நடிகை... பாடகி... பாடலாசிரியர் என்று எப்படி வேண்டுமானாலும் வசுந்தராதாஸைக் கூறலாம். இந்த மொழுமொழு அழகுப்பெண், இந்தி, தென்னக மொழிப்படங்களில் தேவதையாக உலா வந்தார்.
லேட்டஸ்டாக இந்தி `ஆசிட் பாக்டரி' படத்தில் பாடியிருக்கும் வசுந்தரா, புகழ்பெற்ற டிரம் இசைக்கலைஞர்கள் ராபர்ட்டோ நரேன், உரியன் சார்மியன்டோ ஆகியோருடன் இணைந்து செயல்படுகிறார். அடுத்த ஆண்டு தொடக்கத்தில் அமெரிக்காவுக்கு ஒரு `லெக்சர் பயணம்' மேற்கொள்வதற்கான ஏற்பாடுகளில் இருக்கிறார்.
``ஏ.ஆர். ரகுமானின் ஆன்மிக ஆர்வமும், மாறாத அறிவு ஜீவித் தன்மையும் எனக்குப் பெரும் ஊக்கமான விஷயங்கள். அதைப் போல எனது பாட்டி. அவர்தான் என்னுடைய முதல் குரு'' என்கிறார் வசுந்தரா. தனக்குப் பிடித்தமான விஷயங்களை அவர் பட்டிய லிடுகிறார்.
உங்களுக்குப் பிடித்த உடை: சமையல் அறை ஆடை. (எனக்கு ஐந்து வயதாக இருக்கும்போது நான் அதை முதன்முதலில் அணிந்தேன்.)
பிடித்த பானம்: சூடான சாக்லேட் பானம்.
விரும்பிச் சமைப்பது: தாய்லாந்து நாட்டு கறிவகை.
பிடித்த உணவகங்கள்: பெங்களூரில் உள்ள `ஒன்லி பிளேஸ்' மற்றும் `காப்பர்பெர்ரி'.
வசதியான ஆடையாகக் கருதுவது: ஜீன்ஸ் மற்றும் டி- ஷர்ட்.
படித்ததில் பிடித்தது: கேப்ரியல் கார்சியா மார்க்கஸ் எழுதிய `ஒன் ஹண்ட்ரட் இயர்ஸ் ஆப் சாலிட்டிïட்'.
பிடித்த திரைப்படம்: ஸ்டான்லி டுச்சி நடித்த `தி பிக் நைட்'.
அதிகமாகப் பயப்படுவது: இருட்டுக்கு.
பிடித்த வேளை: அதிகாலை.
பிடித்த விளையாட்டு: பார்முலா ஒன் கார் பந்தயம்.
பிடித்த இசைக் கலைஞர்: எல்விஸ் பிரெஸ்லி.
கனவுச் சுற்றுலா: உலகை 80 நாட்களில் சுற்றி வருவது.
அதிர்ஷ்டப் பொருள்: அதிர்ஷ்டப் பொருட்களில் எனக்கு நம்பிக்கை இல்லை. நமது விதிக்கு நாமே பொறுப்பு.
பிடித்த பருவகாலம்: வசந்தம் அல்லது கோடை காலம். அது அப்போதைக்கு நான் உலகத்தின் எந்தப் பகுதியில் இருக்கிறேன் என்பதைப் பொறுத்தது.
பிடித்த நகரங்கள்: வெளிப்படையான தன்மை, ஊக்கத்துக்காக நியூயார்க், அழகு, கலாசாரத்துக்காக பார்சிலோனா.
ஒரு மகிழ்ச்சியான நாளுக்கான குறிப்பு: அது இசையும், சாகசமும் நிரம்பியதாக இருக்க வேண்டும்.
உங்களுக்கு ஒரு `ரொமான்டிக்கான டின்னருக்கு'த் தேவை: மெழுகுவர்த்திகள், ஒயின், அருமையான உணவு... அப்புறம் நிறையச் சிரிப்பு.
உங்களைப் பொறுத்தவரை இசை என்பது: வாழ்க்கை.
Posts
No comments:
Post a Comment