பிரபு தேவா நடிக்க வந்தார் - பிள்ளைகள் கை விட்டார்களா ?

தமிழ், தெலுங்கு, மலையாளம், கன்னடம், இந்தி ஆகிய 5 மொழிகளில், ஆயிரத்துக்கும் மேற்பட்ட படங்களுக்கு நடனம் அமைத்தவர், சுந்தரம். நடிகர்-டைரக்டர் பிரபுதேவாவின் அப்பா. எம்.ஜி.ஆர்-சிவாஜி காலத்தில் இருந்து டான்ஸ் மாஸ்டராக பணிபுரிந்து வரும் இவர், முதன்முதலாக ஒரு படத்தில் முக்கிய வேடத்தில் நடிக்கிறார். இந்த படத்துக்கு, `பா ர பழனிச்சாமி' என்று பெயர் சூட்டப்பட்டு இருக்கிறது.

எல்லோராலும் மதிக்கப்படுகிற வயதான விஞ்ஞானி ஒருவரின் வாழ்க்கையில் ஏற்பட்ட ஒரு திருப்பம், அவரை எப்படி மாற்றுகிறது என்பதை கருவாக கொண்ட கதை இது. வயதான விஞ்ஞானியாக, டான்ஸ் மாஸ்டர் சுந்தரம் நடிக்கிறார்.

அவருடன் புதுமுகங்கள் சீனிவாஸ், மீனாட்சி கைலாஷ், மற்றும் அலெக்ஸ், பாண்டு, நெல்லை சிவா, கராத்தே ராஜா ஆகியோரும் நடிக்கிறார்கள். தினா, இசையமைக்கிறார். ஆனந்த் ஜெயராஜ், ஒளிப்பதிவு செய்கிறார். கதை-திரைக்கதை-வசனம் எழுதி டைரக்டு செய்கிறார், எம்.ரசாக். தங்கம் ரியல் பிக்சர்ஸ் சார்பில் பி.தங்கவேல் தயாரிக்கிறார்.