துட்டுதான் பகல் உணவா

சினிமா நட்சத்திரங்கள் பலர் சினிமாவை விட விளம்பரத்தில் அதிக கவனம் செலுத்தி அதிக வருமானம் பார்த்து வருகிறார்கள். அந்த வரிசையில் முதலிடத்தில் இருப்பவர் பாலிவுட் நடிகர் அமிதாப் பச்சன்தான். 2001ம் ஆண்டில் குரோர்பதி நிகழ்ச்சியை தொகுத்து வழங்கியபோது இவரது புகழ் உச்சத்தில் இருந்தது. அதற்குப் பிறகு அவருக்கு விளம்பர வாய்ப்புகள் குவிந்தன. அவர் 67 வயதை கடந்த போதிலும், விளம்பர உலகில் இன்னமும் நம்பிக்கை நட்சத்திரமாக விளங்கி வருகிறார். இப்போது 20க்கும் அதிகமான விளம்பர படங்களில் தோன்றும் அமிதாப், ஒரு விளம்பரத்தில் நடிக்க ரூ.2 கோடி முதல் ரூ.3 கோடி வரை சம்பளம் வாங்குகிறாராம். ஒரு திரைப்படம் முழுவதும் நடித்து சம்பாதித்ததை இப்போது, சில நிமிடங்களே வரும் விளம்பரத்தில் சம்பாதித்து விடுகிறார் என்பது குறிப்பிடத்தக்கது.