நிரூபிக்க படவில்லை

அமெரிக்காவில் மிகப் பெரிய பங்கு மோசடியில் ஈடுபட்டவருக்கு இலங்கையில் ரூ.525 கோடி அளவுக்கு சொத்து உள்ளது.இலங்கையின் மத்திய ரிசர்வ் வங்கி கவர்னர் அஜித் என்.காப்ரால் இதைத் தெரிவித்தார் .அமெரிக்காவில் ரூ.100 கோடி அளவுக்கு பங்கு மோசடியில் ஈடுபட்டதாக இலங்கைத் தமிழர் ராஜ் ராஜரத்தினமும், மேலும் 5 பேரும் கடந்த வாரம் கைது செய்யப்பட்டனர்.

ராஜரத்தினத்துக்கு இலங்கையில் உள்ள சொத்துகள் குறித்து விசாரணை நடத்திவருகிறோம். இதுவரை அவருக்கு ரூ.525 கோடி அளவுக்கு சொத்து இருப்பது தெரியவந்துள்ளது.

தமிழர் புனர்வாழ்வுக் கழகம் பெற்ற மொத்த பணத்தில் மூன்றில் ஒரு பங்கை ராஜரத்தினம் கொடுத்துள்ளார் என மத்திய ரிசர்வ் வங்கி தெரிவித்ததாக "டெய்லி மிரர்' என்ற பத்திரிகை செய்தி வெளியிட்டுள்ளது.

அவர் விடுதலைப் புலிகளுக்கு பணம் அளித்தார் என்பது நிரூபிக்க படவில்லை எனவும் நிரூபிக்கப்படாதவரை அவரது சொத்துகளை அரசு பறிமுதல் செய்யாது என மத்திய ரிசர்வ் வங்கி தெரிவித்ததாகவும் அப் பத்திரிகைச் செய்தியில் குறிப்பிடப்பட்டுள்ளது.