புதிய சொகுசுக் கப்பல் துறைமுகம்

சிங்கப்பூரின் இரண்டாம் சொகுசுக் கப்பல் துறைமுகத்தின் கட்டுமானப்பணிகள் வெள்ளிக்கிழமை தொடங்கின.
ஆனால் திட்டமிட்டதற்கும் ஓராண்டு தாமதமாக 2011ம் ஆண்டுதான் அந்தத் துறைமுகம் கட்டி முடிக்கப்படும்.

இரண்டு கப்பல்களைக் கையாளாக்கூடிய அந்த புதிய துறைமுகத்திற்கு எந்த உயரத்தடையும் இருக்காது. தற்போது கட்டப்படும் உலகின் ஆகப் பெரிய சொகுசுக் கப்பல்களை அத்துறைமுகம் கையாள வல்லது.

அந்த துறைமுகம் ஹார்பர்ஃபிரன்டில் உள்ள சொகுசுக் கப்பல் துறைமுகத்தில் உச்ச நேர நெருக்கடியைக் குறைக்க உதவும்.

மரினா சவுத் பியரில் கட்டப்படும் அத்துறைமுகத்தின் கட்டுமானத் தொடக்க விழாவில் கலந்துகொண்ட வர்த்தகத் தொழில் அமைச்சர் லிம் ஹங் கியாங், சொகுசுக் கப்பல் துறை அதிக வேகத்தில் வளர்ந்து வரும் உலக சொகுசுத் துறைகளில் ஒன்று என்றார்.

சிங்கப்பூரின் சிறப்பான ஆகாய, கடல் இணைப்புகள் ஆசியாவிற்குச் சிறந்த, உகந்த கப்பல் துறைமுக வாயிலாக விளங்குகிறது என்றும் அமைச்சர் லிம் கூறினார்.