kasaiyum vaanki kondu kaati kotutha pengal

ஆந்திர கவர்னர் என்.டி.திவாரி இளம்பெண்களுடன் உல்லாசமாக இருப்பது போன்ற காட்சிகளை தெலுங்கு தனியார் டி.வி. ஒன்று ஒளிபரப்பியது. இதைப்பார்த்த ஆந்திர மக்கள் கொதிப்படைந்தனர். அவர் உடனடியாக பதவி விலகக்கோரி போராட்டம் நடத்தினார்கள். இச்சம்பவம் நாடு முழுவதும் பெரும் பரபரப்பை ஏற்படுத்தியது.

இந்நிலையில் என்.டி. திவாரிக்கு இளம்பெண்களை சப்ளை செய்த துர்கா ஆரோரா, தெலுங்கு பத்திரிகைக்கு அளித்த பேட்டியில் பல்வேறு திடுக்கிடும் தகவல்களை வெளியிட்டுள்ளார். அதில் கூறியிருப்பதாவது:-

எனக்கு என்.டி. திவாரியை பல ஆண்டுகளுக்கு முன்பே தெரியும். அவரது மனைவி சுசீலா புற்றுநோயால் இறந்து விட்டார். அவர்களுக்கு குழந்தைகள் கிடையாது.

என்.டி.திவாரி உல்லாச பிரியர். அவரிடம் காரியம் சாதிக்க வேண்டுமானால் கோடிக்கணக்கில் பணம் எல்லாம் தேவைப்படாது. 20 வயதுக்கு குறைவான அழகான இளம்பெண்கள் இருந்தால் போதும். எளிதில் காரியம் சாதித்து விடலாம்.

அவர் அந்த இளம்பெண்களுடன் உல்லாசமாக இருக்கும் சமயத்தில் எவ்வளவு பெரிய “காண்டி ராக்ட்” என்றாலும் உடனே கையெழுத்து போட்டு விடுவார்.

அவருக்கு தற்போது 86 வயதானாலும் கூட அவரிடம் உள்ள பெண் மோகம் குறையவில்லை. தினமும் அவருக்கு 4 இளம்பெண்கள் தேவை.

ஒவ்வொரு முறையும் சாப்பிடும்போது ஒரு பெண் அவரது அருகில் நிர்வாணமாக இருக்க வேண்டும். அந்த பெண்ணை பார்த்தபடியே திவாரி உணவை ருசித்து சாப்பிடுவார். நிர்வாண பெண் இல்லாவிட்டால் தனக்கு சாப்பாடு இறங்காது என்று என்னிடம் கூறி உள்ளார்.

இதனால் நான் அவரது ரசனைக்கு ஏற்ப அதிக பணம் கொடுத்து மாடல் அழகிகள், விபசார பெண்கள் போன்றோரை அவருக்கு சப்ளை செய்து வந்தேன்.

திவாரி ஓய்வாக இருக்கும் போதெல்லாம் நிர்வாண பெண்கள் அவருக்கு மசாஜ் செய்ய வேண்டும். இதற்காக கவர்னர் மாளிகையில் இளம்பெண்களை தங்க வைத்திருந்தார்.

அவர் வாக்கிங் செல்லும் போது ஆண் உதவியாளர்கள் வந்தால் விரட்டி விடுவார். அப்போதும் 2 பெண்கள் அவரது தோளை பிடித்தபடி செல்வதையே விரும்புவார்.

நான் என்னிடம் வேலை கேட்டு வந்த இளம்பெண்களை கூட திவாரிக்கு அனுப்பினேன். ஆனால் அவர் குறிப்பிட்ட நாளில் விட்டுவிட மறுத்து விட்டார். அங்கு பெண்களை நிர்வாணப்படுத்தி ரசித்ததால் அவர்கள் வெறுத்துப் போய் ஓடிவிட்டனர்.

இவ்வாறு அவர் கூறினார்.

தெலுங்கு பத்திரிகையில் என்.டி.திவாரி காமலீலைகள் பற்றி புதுப்புது தகவல்கள் வெளியான வண்ணம் உள்ளன.

திவாரி தனக்கு இளம் அழகிகளை சப்ளை செய்வ தற்காக உத்தரபிரதேசம், உத்தரகாண்ட், ஐதராபாத், காஷ்மீர், மும்பை போன்ற பகுதிகளில் ஏராளமான தரகர்களை வைத்திருந்தார். அவர்கள்தான் கவர்னர் மாளிகைக்கு பெண்களை சப்ளை செய்துள்ளனர். அவர்களுக்கு திவாரி கோடிக்கணக்கில் பணம் கொடுத்துள்ளார்.

என்.டி.திவாரி முதல்வர் பதவியில் இருந்த கால கட்டத்தில் அவரை பார்க்க முக்கிய பிரமுகர்கள் வந்தால் கூட உடனே அப்பாயின்ட் மென்ட் தரமாட்டார். ஆனால் அழகான பெண்கள் அவரை பார்க்க வேண்டும் என்று அப்பாயின்ட்மென்ட் கேட்டால் உடனே கொடுத்து விடுவார்.

தன்னிடம் உதவி கேட்டு வரும் பெண்களை எந்த அளவுக்கு மசிய வைக்க முடியுமோ அந்த அளவுக்கு இறங்கி வந்து உதவி செய்வார். அவரிடம் படுக்கைக்கு வர சம்மதிக்கும் பெண்களுக்கு மறுநாளே உதவி செய்வார்.

1984-ல் திவாரி உத்தர பிரதேச முதல்வராக இருந்த போது அவரது வீட்டில் ஒரு இளம்பெண்ணுடன் உல்லாசமாக இருந்துள்ளார். அப்போது இந்த லீலையை மனைவி சுசீலா பார்த்து கண்டித்துள்ளார். அவருடன் இருந்த பெண்ணை உருட்டுக் கட்டையால் அடித்து விரட்டி உள்ளார்.

இதேபோல் அதே கால கட்டத்தில் லக்னோவில் உள்ள காங்கிரஸ் அலுவலகத்திற்கு திவாரி ஒருநாள் முகம், கண் வீங்கிய நிலையில் வந்தார். அப்போது அவரது நண்பர்கள் விசாரித்த போது, நான் வீட்டு வேலைக்கார பெண்ணுடன் படுக்கை அறையில் இருப்பதை காதலி உஜ்வாலா சர்மா பார்த்து விட்டார். கோபத்தில் என் கன்னத்தில் அறைந்து விட்டார் என்று கூறி உள்ளார்.

தொடக்க காலத்தில் திவாரியுடன் நெருக்கமாக இருந்த காங்கிரஸ் தலைவர்கள் பலருக்கும் இவரது காம லீலைகள் தெரியும். அப்போது அவர்கள் அதை கண்டிக்கவில்லை. மாறாக கேலி-கிண்டல் செய்து சிரிப்பார்கள். இதனால் திவாரி லீலைகளை துணிச்சலாக தொடர்ந்தார்.

அவரது பலவீனத்தை அறிந்த காண்டிராக்டர்கள், அதிகாரிகள் போன்றோர் காரியம் சாதிப்பதற்காக பெண்களை தொடர்ந்து சப்ளை செய்ததால் வயதான பிறகும் அவர் காம சுகத்தை விட விரும்பவில்லை.

இறுதியில் அவருக்கு விருந்தான பெண்களே அவரது எல்லை மீறிய சித்ரவதையை தாங்க முடியாமல் அவரை சிக்க வைத்து விட்டனர்.

தினமும் கதை கேட்கும் தேவயாணி - பாடலுடன்

சின்னத்திரை சீரியல்களில் பிஸியாக இருந்து வந்த நடிகை தேவயானி, இப்போது எல்லா சீரியல்களையும் முடித்து கொடுத்து விட்டு அடுத்த களத்திற்கு செல்ல தயாராகி விட்டார். சின்னத்திரையில் இருந்து ‌மீண்டும் வெள்ளித்திரைக்கு வாருங்கள் என்று பலரும் தேவயானிக்கு அழைப்பு விடுக்கிறார்களாம். நிறைய படங்களில் நடிக்க வாய்ப்பு வருவதால் தற்போது அம்மணி தினமும் 5 கதைகளை கேட்டு வருகிறாராம். கதையோடு, தனது கதாபாத்திரம் பிடித்திருந்தால் மட்டுமே ஒத்துக் கொள்வாராம். விரைவில் தேவயானியை பெரிய திரையில் பார்க்கலாம்!

மறக்க முடியுமா 42

பராசக்தி வெளிவந்த பின், "யார் இந்த சிவாஜி கணேசன்?" என்ற கேள்வி நான்கு திசைகளிலும் எதிரொலித்தது. அவருடைய வாழ்க்கை வரலாற்றை அறிந்து கொள்ள, ரசிகர்கள் ஆவல் கொண்டனர். இதனால், அவர் வாழ்க்கை வரலாறு புத்தகத்தை பல்வேறு பதிப்பகங்கள் வெளியிட்டன. பத்திரிகைகள் அவரை பேட்டி கண்டு, படங்களுடன் பக்கம் பக்கமாக வெளியிட்டன.

சிவாஜி கணேசனின் பூர்வீகம் தஞ்சை மாவட்டத்தில் உள்ள வேட்டைத்திடல் என்ற கிராமம். இது மிகவும் செழிப்பானது. அவருடைய தந்தை சின்னையா மன்றாயரின் குடும்பம் அங்குதான் வசித்தது. தாயார் பெயர் ராஜாமணி அம்மாள். அவருடைய தகப்பனார் பெயர் சின்னச்சாமி காளிங்கராயர், அவர் ரெயில்வேயில் அதிகாரியாக பதவி வகித்தவர். திருச்சி, மதுரை பகுதியில் ரெயில்பாதை போடப்பட்டபோது, அதற்கு அவர் பொறுப்பாக இருந்தார்.

சின்னச்சாமி காளிங்கராயருëகு 11_வதாக பிறந்த குழந்தை ராஜாமணி அம்மாள்! மகள் மீது காளிங்கராயருக்கு மிகுந்த பாசம். எனவே ``ராஜாமணி எப்போதும் நம்முடன் இருக்க வேண்டும். ஒரு நல்ல மாப்பிள்ளைக்கு கல்யாணம் செய்து கொடுத்து, பெண்ணையும் மாப்பிள்ளையையும் வீட்டோடு வைத்துக்கொள்ள வேண்டும்" என்று எண்ணினார்.

சிவாஜியின் தந்தை சின்னையா மன்றாயர் அதிகம் படிக்காதவர். ஆயினும் ஒரு மிராசுதார். எனவே, அவருக்கு ராஜாமணியை திருமணம் செய்து கொடுத்து, வீட்டோடு மாப்பிள்ளையாக வைத்துக்கொண்டார். எனினும் சில காலத்துக்குப்பின் சின்னையா மன்றாயர் ரெயில்வேயில் வேலைக்கு சேர்ந்தார். நாகப்பட்டினத்தில் இருந்த ரெயில்வே ஒர்க்ஷாப்பில் வேலை பார்த்தார். மனைவியுடன் அங்கு குடியேறினார்.

சின்னச்சாமி காளிங்கராயர் வீடு விழுப்புரத்தில் இருந்தது. பிரசவத்துக்காக அங்கு ராஜாமணி அம்மாள் சென்றார். அங்குதான் 1928 அக்டோபர் 1_ந் தேதி சிவாஜிகணேசன் பிறந்தார். சிவாஜியின் தந்தை சின்னையா மன்றாயர், சுதந்திரப் போராட்டத்தில் ஈடுபாடு கொண்டவர்.

சுதந்திரப் போராட்டத்தில் ஈடுபட்ட இளைஞர்கள் சிலர், தீவரவாத எண்ணம் கொண்டவர்கள். ``அகிம்சை மூலம் வெள்ளையர்களைப் பணிய வைக்க முடியாது. துப்பாக்கி ஏந்தினால்தான், நாட்டைவிட்டு ஓடுவான்" என்ற நேதாஜியின் கொள்கையை கடைபிடிப்பவர்கள்.

அப்போதெல்லாம், ஒரு காரியத்தை நடத்துவது யார் என்று திருவுளச்சீட்டு போட்டுப்பார்ப்பார்கள். "ஆஷ் துரையை சுட்டுக்கொல்வது யார்?" என்று தீவிரவாத இளைஞர்கள் சீட்டு போட்டு பார்த்தபோது, வாஞ்சிநாதன் பெயர் வந்தது. அதனால், அவர், மணியாச்சி ஜங்ஷனில் ஆஷ்துரையை சுட்டுக்கொன்று விட்டு தன்னைத்தானே சுட்டுக்கொண்டு, தற்கொலை செய்து கொண்டார்.

இதேபோல, வெள்ளைக்கார சிப்பாய்கள் செல்லும் ரெயிலுக்கு யார் வெடி வைப்பது என்று, சின்னையா மன்றாயரும் அவர் நண்பர்களும் திருவுளச் சீட்டு போட்டுப்பார்த்தார்கள். அதில் சின்னையாவின் பெயர் வந்தது. அதனால் ரெயிலுக்கு அவர் வெடி வைத்தார். போலீசார் இதைப்பார்த்துவிட்டார்கள். அவரை துரத்திச் சென்றார்கள்.

சின்னையா தப்பி ஓடும்போது, அவரை நோக்கி போலீசார் சுட்டனர். சின்னையா கீழே விழுந்தார். போலீசார் அவரை சூழ்ந்து கொண்டு தடியால் தாக்கினர். சின்னையா தலையில் பலத்த காயம் அடைந்தார். அவரை கைது செய்து, வேலூருக்கு கொண்டுபோய், ஆஸ்பத்திரியில் சேர்த்தனர். போலீஸ் காவலுடன் சிகிச்சை பெற்றார். அவர் குணம் அடைந்த போதிலும், காது சரியாகக் கேட்கமுடியாமல் போய்விட்டது. சின்னையா மன்றாயர் கைது செய்யப்பட்ட அதே நாளில்தான் சிவாஜி பிறந்தார்!

ரெயிலுக்கு வெடி வைத்ததாக சின்னையா மன்றாயர் மீது வழக்கு தொடரப்பட்டது. அதில் அவருக்கு 7 ஆண்டு ஜெயில் தண்டனை விதிக்கப்பட்டது.

"மருமகன் ஜெயிலுக்கு போய்விட்டாரே" என்று சிவாஜியின் தாத்தா மனம் நொந்தார். நாளுக்கு நாள், உடல் நலிந்தது. சிலகாலத்துக்குப்பின் அவர் மரணம் அடைந்தார். சிவாஜிக்கு திருஞான சம்பந்த மூர்த்தி, கனக சபாநாதன், தங்கவேலன் என்று மூன்று அண்ணன்கள். சிவாஜிக்கு சூட்டப்பட்ட பெயர் கணேசமூர்த்தி.

சிவாஜியின் தாத்தா இறந்துபோன பிறகு, ராஜாமணியம்மாள் குடும்பத்துடன் திருச்சியில் குடியேறினார். திருச்சி அருகே, பொன்மலைக்குப் பக்கத்தில் உள்ள சங்கிலியாண்டபுரத்தில் ராஜாமணி அம்மாள் குடும்பத்துக்கு ஒரு வீடு இருந்தது. அங்கு வசிக்கலானார்.

சிவாஜிகணேசன் வளர்ந்தது, நாடக நடிகரானது, சினிமா உலகில் புகுந்தது எல்லாமே இந்த வீட்டில் வசித்த போதுதான். எஸ்.எஸ்.வாசனின் தாயாரும், எம்.ஜி.ஆரின் தாயாரும் தங்கள் குடும்பத்தை காப்பாற்ற எப்படி கஷ்டப்பட்டார்களோ, அதுபோல் ராஜாமணி அம்மாளும் மிகவும் கஷ்டப்பட்டார்.

`தந்தையோ இறந்து போய்விட்டார். கணவர் சிறை சென்று விட்டார். பிழைக்க என்ன செய்வது? குழந்தைகளை எப்படி படிக்க வைப்பது' என்று யோசித்த ராஜாமணி அம்மாள், பால் வியாபாரம் செய்ய முடிவு செய்தார். கறவை மாடு வாங்கி, பால் விற்கத் தொடங்கினார். நாளடைவில், ராஜாமணி அம்மாள் என்ற பெயர் மறைந்துபோய், ``பால்காரம்மா" என்ற பெயர் நிலைத்து விட்டது!

வீட்டுக்கு அருகே கிறிஸ்தவ பள்ளிக்கூடம் ஒன்று இருந்தது. அங்கு சிவாஜியை சேர்த்துவிட்டார், ராஜாமணி அம்மாள். அப்போது சிவாஜிக்கு 4 வயது. சிறையில் இருந்த சின்னையா மன்றாயர், நல்ல மெக்கானிக் என்பதால் சிறையில் மின்சாரம் சம்பந்தப்பட்ட வேலைகளை செய்வது, தண்ணீர் டாங்க்கை பழுது பார்ப்பது போன்றவற்றை செய்து, சிறை அதிகாரிகளிடம் நல்ல பெயர் வாங்கினார்.

எனவே நன்னடத்தைக்காக, 7 வருட தண்டனை 4 ஆண்டு தண்டனையாகக் குறைக்கப்பட்டு, விடுதலை செய்யப்பட்டார். விடுதலையாகி வீடு திரும்பினார், சின்னையா மன்றாயர். அப்போது சிவாஜிக்கு 4 வயது. ``இவர்தான் உன் அப்பா" என்று, தன் கணவரைக் காண்பித்தார், ராஜாமணி அம்மாள்.

கண்களில் கண்ணீர் வழிய, தந்தையைக் கட்டித் தழுவிக் கொண்டார், சிவாஜி.

மறக்க முடியுமா 41

"பராசக்தி"க்கு தடை விதிக்க, பலமுனைகளில் இருந்தும் மேற்கொள்ளப்பட்ட முயற்சிகள் தோல்வி அடைந்தன. படத்தைப் பார்த்த தலைமை தணிக்கை அதிகாரி, படம் நன்றாக இருப்பதாகப் பாராட்டினார்!

``பராசக்தி" படத்துக்கு கூட்டம் அதிகரிக்க, அதிகரிக்க, ஒரு தரப்பினரின் எதிர்ப்பும் வலுத்தது. படத்தில் நாத்திக கருத்துக்கள் அதிகம் இருப்பதாக அவர்கள் குற்றம் சாட்டினர். அந்தக் குற்றச்சாட்டுகளுக்கெல்லாம், பத்திரிகை வாயிலாக உடனுக்குடன் பதில் கொடுத்துக்கொண்டிருந்தார், கருணாநிதி.

"பராசக்தி"க்கு தடை விதிக்க வேண்டும் என்பதை ஒரு இயக்கமாக சிலர் நடத்திக் கொண்டிருந்தனர். தடை விதிக்கக்கோரி, தலைமை தணிக்கை அதிகாரிக்கு தந்திகள் குவிந்தன. அப்போது தணிக்கை குழுவின் தலைமை அதிகாரியாக `ஸ்டாலின்' சீனிவாசன் இருந்தார். இவர், ``மணிக்கொடி" என்ற இலக்கியப் பத்திரிகையை நடத்தி, புதுமைப்பித்தன் போன்ற முற்போக்கு எழுத்தாளர்கள், புகழ்பெறக் காரணமாக இருந்தவர். அவர் ஸ்டாலினைப் போன்ற மீசை வைத்திருந்ததால் `ஸ்டாலின்' சீனிவாசன் என்று அழைக்கப்பட்டார்.

அவர் ``பராசக்தி" படத்தைப் பார்த்தார். சாதாரணமாகப் பார்க்கவில்லை. கண்ணில் விளக்கெண்ணை விட்டுக்கொண்டு பார்ப்பது என்பார்களே, அந்த மாதிரி பார்த்தார். கடைசியாக அவர் வழங்கிய தீர்ப்பு: ``பராசக்தியில் ஆட்சேபகரமான காட்சி எதுவும் இல்லை. எனவே, படத்துக்கு தடை விதிக்கவோ, காட்சிகளை வெட்டவோ வேண்டிய அவசியம் இல்லை". இப்படி அறிவித்த தணிக்கை அதிகாரி, படம் நன்றாக இருப்பதாகவும் பாராட்டினார்!

``பராசக்தி" பற்றி பத்திரிகைகளில் நடந்த விவாதமும், அதற்கு தடை வரலாம் என்ற எதிர்பார்ப்பும், ``பராசக்தி"க்கு பெரிய விளம்பரமாக அமைந்தது. எனவே, தியேட்டர்களில் முன்னிலும் அதிகக் கூட்டம் சேர்ந்தது. தினமும் ``ஹவுஸ்புல்" தான்.

படத்தின் ``கிளைமாக்ஸ்", பராசக்தி கோவிலிலேயே சிவாஜியின் தங்கையாக நடிக்கும் ஸ்ரீரஞ்சனியை பூசாரி கற்பழிக்க முயலும் காட்சியாகும். நடந்ததை அறிந்த சிவாஜி, பூசாரியை பழிவாங்க பராசக்தி சிலைக்கு பின்னால் பதுங்கியிருப்பார்.

``நீ தீர்க்காயுசா இருப்பே" என்று ஒரு பக்தனிடம் பூசாரி கூறும்போது, ``ஏய், பூசாரி! முதலில் உன் ஜாதகத்தை கணித்துக்கொள்" என்ற குரல் அசரீரி மாதிரி கேட்கும்! சிவாஜியின் குரல்தான் அது!

பூசாரி: யார் அம்பாளா பேசுவது?

சிவாஜியின் குரல்: அம்பாள் எந்தக் காலத்திலடா பேசினாள்?

பூசாரி: தாயே! பராசக்தி!

சிவாஜி (வெளியே வந்து): இந்த பராசக்தி உனக்குத் தாய். என் தங்கை கல்யாணி உனக்கு தாசி! அப்படித்தானே! மானங்கெட்டவனே!

பூசாரி: அப்பனே! இது என்ன விபரீதம்?

சிவாஜி: விபரீதம் வராது என்று எண்ணித்தானே என் தங்கையோடு விளையாடி இருக்கிறாய்?

பூசாரி (பராசக்தி சிலையைப் பார்த்து): தாயே, பராசக்தி!

சிவாஜி: அது பேசாது. பேசமுடியும் என்றால், நீ என் தங்கையின் கற்பை சூறையாடத்துணிந்தபோது, ``அடே பூசாரி! அறிவு கெட்ட அற்பனே! நில்" என்று தடுத்திருக்கும். உன்னிடம் சிக்கிய போது, இந்தப் பராசக்தியை என் தங்கை ஆயிரம் முறை அழைத்தாளாமே! ஓடி வந்து அபயம் அளித்தாளா?

பூசாரி (கூட்டத்தினரைப் பார்த்து): பக்த கோடிகளே! பார்த்துக் கொண்டு இருக்கிறீர்களே!

சிவாஜி: தேவி பக்தனே! மனித உதவியை ஏன் நாடுகிறாய்? உன் தேவியின் கையில் சூலம் இருக்க, சுழலும் வாள் இருக்க ஏன் பயந்து சாகிறாய்? (இந்த சமயத்தில், சிவாஜியை வெட்டுவதற்கு அரிவாளை பூசாரி ஓங்க, சிவாஜி அதைப்பிடுங்கி பூசாரியை வெட்டுவார்.)

சிவாஜி மீதான வழக்கு விசாரணை படத்தில் ஏறத்தாழ கால்மணி நேரம் இடம்பெறும். குற்றச்சாட்டுகளை மறுக்காமல் சிவாஜி சொல்வார்:

"கோவிலில் குழப்பம் விளைவித்தேன். கோவில் கூடாது என்பதற்காக அல்ல. கோவில், கொடியவர்களின் கூடாரமாக இருக்கக்கூடாது என்பதற்காக! பூசாரியைத் தாக்கினேன் அவன் பக்தன் என்பதற்காக அல்ல. பக்தி, பகல் வேஷமாக ஆகிவிட்டதை கண்டிப்பதற்காக!"
இவ்வாறு சிவாஜி கூறும்போது, ரசிகர்களின் கைதட்டலும் ஆரவாரமும் தியேட்டரை குலுங்கச் செய்யும். ``பராசக்தி"யின் வசனம் புத்தகமாக வெளிவந்து பரபரப்பாக விற்பனையாகியது. வசனம் முழுவதும் இசைத்தட்டுகளாக வெளிவந்து சக்கை போடு போட்டது.

"காலத்தை கணிக்க, கி.மு., கி.பி. என்று கூறுவது போல, தமிழ்த் திரைப்பட வரலாற்றை எழுத வேண்டுமானால் பராசக்திக்கு முன், பராசக்திக்குப்பின் என்று பிரிக்கலாம்" என்று சில விமர்சகர்கள் எழுதினர்.

"பராசக்தி" படத்தில் நடிக்க, சிவாஜி கணேசனுக்கு மாதம் ரூ.250 சம்பளம் கொடுக்கப்பட்டது. இதை சிவாஜியே குறிப்பிட்டிருப்பதுடன், ``பராசக்தியில் இலவசமாக நடிப்பதற்குக் கூட தயாராக இருந்தேன்" என்றும் கூறியுள்ளார்.

"பராசக்தி" படத்துக்குப்பின் சிவாஜியின் ஊதியம் பல்லாயிரக்கணக்கில் உயர்ந்தது. அட்வான்ஸ் கொடுக்க அவர் வீட்டு முன் பட அதிபர்கள் குவிந்தனர்.

ரூ.1 கோடி நஷ்டஈடு

ருச்சிகாவை துன்புறுத்துவதற்காக அவருடைய சகோதரர் அஷு மீது 11 பொய் வழக்குகள் போட்டதற்காக அரியானா அரசிடம் ரூ.1 கோடி நஷ்டஈடு கேட்க பெற்றோர் முடிவு செய்துள்ளனர்.
அரியானாவில் 1999ம் ஆண்டில் இளம் டென்னிஸ் வீராங்கனையாக வளர்ந்து கொண்டிருந்த 14வயதான ருச்சிகா என்ற பள்ளி மாணவியை அப்போதைய போலீஸ் டி.ஜி.பி. ரத்தோர் மானபங்கம் செய்தார். இதை ருச்சிகா அம்பலப்படுத்தியதும் அவருடைய குடும்பத்தினர் மீது ரத்தோர் தனது அராஜகத்தை கட்டவிழ்த்து விட்டார். ருச்சிகாவை பள்ளியில் இருந்து டிஸ்மிஸ் செய்ய வைத்தார். அவருடைய சகோதரர் அஷு மீது திருட்டு உட்பட பல்வேறு வகையில் 11 பொய் வழக்குகளை போட வைத்தார்.
இந்த சித்ரவதைகளை தாங்க முடியாத ருச்சிகா, 1993ல் விஷம் குடித்து தற்கொலை செய்து கொண்டார். இந்த சம்பவம் நாடு முழுவதும் பெரும் பரபரப்பை ஏற்படுத்தியது. காவல் துறையின் தலைவராக இருந்ததால் ரத்தோர் மீது போலீசார் வழக்குப் பதிவு செய்யவில்லை. ருச்சிகாவின் பெற்றோர் ஒன்பது ஆண்டுகள் நடத்திய போராட்டத்துக்குப் பிறகு, 1999ல் அவர் மீது வழக்கு பதிவு செய்யப்பட்டது. மேலும், அவர் மீது தற்கொலைக்கு தூண்டியதாக வழக்குப் பதிவு செய்து விசாரிக்கும்படி கீழ் நீதிமன்றம் உத்தரவிட்டது. ஆனால், பஞ்சாப் மற்றும் அரியானா மாநில உயர் நீதிமன்றம் அதை ரத்து செய்தது.
கடந்த 19 ஆண்டுகளாக நடைபெற்று வந்த இந்த வழக்கில் சமீபத்தில்தான் ரத்தோருக்கு 6 மாத சிறை தண்டனையும், ரூ.1,000 அபராதமும் விதிக்கப்பட்டது. கொடுமையான குற்றத்துக்கு மிகவும் குறைந்த தண்டனை கொடுக்கப்பட்டதற்கு நாடு முழுவதும் பல்வேறு அமைப்புகள் எதிர்ப்பு தெரிவித்துள்ளன. இதனால், ருச்சிகா மானபங்க சம்பவம் பற்றி மறுவிசாரணை நடத்த அரியானா முதல்வர் பூபிந்தர் சிங் ஹோடா உத்தரவிட்டு இருக்கிறார்.
இந்த நிலையில், ருச்சிகாவை பழி வாங்குவதற்காக ரத்தோரின் உத்தரவுப்படி தங்கள் மகன் அஷு மீது போலீசார் பொய் வழக்குகள் போட்டதற்காக அரியானா அரசிடம் ரூ.1 கோடி நஷ்டஈடு கேட்க பெற்றோர் முடிவு செய்துள்ளனர்.
( MODEL NOT THE AFFECTED ONE )

நடுவானில் விமானத்தில் சில்மிஷம்

மும்பையில் இருந்து ராஜஸ்தான் தலைநகர் ஜெய்ப்பூருக்கு கடந்த ஞாயிற்றுக்கிழமை இண்டிகோ விமானம் ஒன்று புறப்பட்டுச் சென்றது.

விமானத்தின் சாதாரண வகுப்புப் பிரிவில் சில பெண்கள் வரிசையாக உட்கார்ந்திருந்தனர். அவர்கள் அருகில் வாலிபர் ஒருவர் அமர்ந்திருந்தார்.

விமானம் நடுவானில் பறந்து கொண்டிருந்தபோது அந்த வாலிபர் ஒரு பெண்ணிடம் செக்ஸ் சில்மிஷத்தில் ஈடுபட்டார். அந்த பெண் 2 தடவை கண்டித்த பிறகும் அந்த வாலிபர் சில்மிஷம் செய்வதை நிறுத்தவில்லை.

இதையடுத்து அந்த பெண்கள் விமானப்பணி பெண்ணிடமும், அதிகாரியிடமும் புகார் செய்தனர். அவர்கள் இரு தரப்பினரும் அமைதியாக இருங்கள் என்று சமரசம் செய்தனர். அந்த வாலிபரை கண்டிக்காமல் சென்றுவிட்டனர்.

சக பயணிகளும் யாரும் அந்த பெண்களுக்கு ஆதரவாக குரல் கொடுக்கவில்லை. இதனால் தைரியமான அந்த வாலிபர் மீண்டும் சில் மிஷத்தில் ஈடுபட்டார்.

அதோடு அந்த பெண்களை பார்த்து தகாத வார்த்தைகளால் ஏக வசனத்தில் திட்டவும் செய்தார். பதிலுக்கு அந்த பெண்களும் திட்டினார்கள். அந்த வாலிபரிடம் நீ பேசியது தப்பு என்று மன்னிப்புக் கேள் என்றனர்.

திமிராக நடந்து கொண்ட அந்த வாலிபர் மன்னிப்பு கேட்க முடியாது என்று சொன்னதோடு அந்த பெண்களை மேலும் இழிவாகப் பேசினார். இது அந்த பெண்களை கொதித்தெழ வைத்தது. அந்த வாலிபரை அடித்து உதைத்தனர்.

வாலிபரை அவர்கள் சூழ்ந்து கொண்டு துவைத்து எடுத்தனர். கையில் கிடைத்த பொருட்களை எல்லாம் அடித்து அந்த வாலிபரை தாக்கினார்கள்.

“ஜெய்ப்பூரில் விமானம் இறங்கியதும் உங்களை என்ன செய்கிறேன் பாருங்கள்” என்று அந்த வாலிபர் மீசையை முறுக்கினார். அதற்கும் அந்த பெண்கள் பயப்படாமல் அடித்து உதைத்தனர்.

ஜெய்ப்பூரில் விமானம் தரை இறங்கிய பிறகும் அந்த பெண்களுக்கும் வாலிபருக்கும் இடையே தகராறு நீடித்தது. அந்த வாலிபர் மீது பெண்கள் போலீசில் புகார் செய்தனர்.

போலீசார் இருதரப்பினரிடமும் விசாரணை நடத்தினார்கள். நீண்ட நேரத்துக்குப் பிறகு அந்த பெண்கள் புகாரை வாபஸ் பெற்றதால் பிரச்சினை சுமூகமாக தீர்க்கப்பட்டது.

வைரமுத்துவின் ஜொள்ளு ?

நடிகைகளை புகழ்ந்து தள்ளுவதில் நடிகர்களை மிஞ்சி விட்டார் கவிஞர் வைரமுத்து. இம்சை அரசன் புகழ் சிம்புதேவன் இயக்கத்தில் தமிழில் உருவாகியிருக்கும் படம் இரும்பு கோட்டை முரட்டு சிங்கம். இப்படத்தின் ஆடியோ வெளியீட்டு விழா சென்னையில் நடந்தது. இதில் படத்தில் நடித்துள்ள லாரன்ஸ், லட்சுமிராய், சந்தியா, ‌பத்மப்ரியா, கவிஞர் வைரமுத்து உள்பட பலரும் கலந்து கொண்டனர். விழாவில் பேசிய பலரும் பதினெட்டாம் நூற்றாண்டு கெளபாய் கதையான இரும்பு கோட்டை முரட்டு சிங்கத்தை இயக்கிய டைரக்டர் சிம்புதேவன் மற்றும் கதையை பாராட்டினார்கள். ஆனால் கவிஞர் வைரமுத்து மட்டும் நடிகை லட்சுமி ராயை புகழோ புகழென்று புகழ்ந்து தள்ளினார். அவர் பேசுகையில், படத்தில் லட்சுமிராய் இந்த படத்தில் குதிரையில் ஏறி நடித்திருக்கிறார். அந்த குதிரை கொடுத்து வைத்த குதிரை... என்றெல்லாம் புகழ்ந்தார். அதனைக் கேட்டு லட்சுமிராய் உள்ளிட்ட பலரும் விழுந்து வழுந்து சிரித்தனர். விழா முடிந்ததும் அனைவரிடமும் விடைபெற்றுச் சென்ற வைரமுத்து, தனது காரிலேயே லட்சுமிராய்க்கு லிப்ட் கொடுத்தார்.

மீண்டும் வருகிறார் பிரதாப் போத்தன்

டைரர்டர் நவி.சதிசுகுமார் இயக்கத்தில் உருவாகி வரும் வீரசேகரன் படத்தில் நடிகர் பிரதாப் போத்தன் நடிக்கிறார். ஆர்ட் டைரக்டர் வீரசமர் நாயகனாக நடிக்கும் இப்படத்தில், அவருக்கு ஜோடியாக நடிகை அமலா பால் நடித்து வருகிறார். வாழ்க்கையின் அடிச்சுவடுகளை தேடி கிராமத்தில் இருந்து சென்னைக்கு வரும் வீர சேகரனின் வாழ்க்கையில் நடைபெறும் திருப்பங்களும், ஏமாற்றங்களும்தான் கதை. நீண்ட இடைவெளிக்கு பிறகு திரைக்கு வந்திருக்கும் நடிகர் பிரதாப் போத்தன் இப்படத்தில் வில்லன் அவதாரம் எடுத்திருக்கிறாராம்.

ரூ. 44.50 கோடிக்கு மதுபானம்

கேரளாவில் கிறிஸ்துமஸ் பண்டிகைக்கு ரூ. 44.50 கோடிக்கு மதுபானம் விற்கப்பட்டுள்ளது.
ரம், பீர், விஸ்கி போன்ற இந்திய தயாரிப்பு வெளிநாட்டு மதுபானங்களை கேரள மதுபான விற்பனைக் கழகம் சில்லறை விற்பனைக் கடைகள் மூலம் விற்பனை செய்து வருகிறது. இதற்காக மாநிலம் முழுவதும் 337 சில்லறை கடைகளை நிறுவியுள்ளது.
இந்த கடைகளில் கிறிஸ்துமஸ் விற்பனை கடந்த 24, 25ம் தேதிகளில் களைகட்டியது. மொத்தம் ரூ. 44.5 கோடி விற்பனை நடந்துள்ளது. இது அரசு மதுபான சில்லறை விற்பனை கடைகளில் நடந்தது மட்டுமே. பார், அரசு கேன்டீன், ராணுவ கேன்டீன்களில் நடந்த விற்பனையை கணக்கெடுத்தால் விற்பனை மதிப்பு கூடும்.
24ம் தேதி ரூ.22.15 கோடியும், கிறிஸ்துமஸ் தினத்தன்று ரூ.22.35 கோடிக்கும் மதுபானம் விற்பனையாகி உள்ளது. இதில் 60 சதவீதம் ரம் மது பானமும், 30 சதவீதம் பீரும் விற்பனை ஆகியுள்ளன. கேரளாவில் மது விற்பனை இதே வேகத்தில் சென்றால் மார்ச் மாதம் இறுதிக்குள் ரூ.5300 கோடியாக உயரும் என தகவல் தெரிவிக்கின்றன. 2005&06 நிதி ஆண்டில் ரூ.2635 கோடி விற்பனை ஆகி இருந்தது.

தாய்லாந்து போலீசார் தந்திரம் பரிசு விழுந்ததாக கூறி குற்றவாளிகளை பிடித்தனர்

தலைமறைவாக இருந்த குற்றவாளிகளை பிடிக்க ஒரு நிறுவனம் சார்பில் பரிசு விழுந்திருப்பதாக கடிதம் அனுப்பி, அதைப் பெற வந்தபோது தாய்லாந்து போலீசார் கைது செய்துள்ளனர்.தாய்லாந்தில் பாலியல் பலாத்காரம், திருட்டு உள்ளிட்ட பல்வேறு சட்டவிரோத செயல்களில் ஈடுபட்ட குற்றவாளிகள் பலர் தலைமறைவாக உள்ளனர். பல முறை முயற்சி செய்தும் அவர்களைக் கண்டுபிடிக்க முடியவில்லை. இந்நிலையில், தேடப்படும் குற்றவாளிகளைப் பிடிப்பதற்காக போலீசார் ஒரு நூதன முயற்சியை மேற்கொண்டனர். இதன் ஒரு பகுதியாக, பாங்காக் நகரைச் சேர்ந்த நூற்றுக் கணக்கான குற்றவாளிகளின் சொந்த முகவரிக்கு பரிசு விழுந்திருப்பதாக பிரபல நிறுவனம் சார்பில் போலீசார் கடிதம் அனுப்பினர். செல்போன் நம்பர் மற்றும் தேசிய அடையாள அட்டை எண் அடிப்படையில் அவர்கள் பரிசுக்கு தேர்ந்தெடுக்கப்பட்டுள்ளதாகவும் டிவி, ரொக்கப் பணம் பரிசாக விழுந்திருப்பதாகவும் குறிப்பிட்ட முகவரியில் வந்து வாங்கிக் கொள்ளலாம் என்றும் கடிதத்தில் கூறப்பட்டிருந்தது. பரிசு விவரம் குறித்து, தலைமறைவாக இருந்த குற்றவாளிகளுக்கு அவர்களது குடும்பத்தினர் செல்போன் மூலம் தகவல் தெரிவித்தனர். குற்றவாளிகளை நம்ப வைப்பதற்காக அவர்கள் இருக்கும் பகுதியில் உள்ள மேலும் பல பேருக்கும் பரிசு விழுந்திருப்பதாக கடிதம் அனுப்பினர். குற்றவாளிகளை மட்டும் தனியாக ஒரு இடத்துக்கு வரவழைத்தனர். பரிசு கடிதத்தை உண்மை என நம்பிய குற்றவாளிகள் கடிதத்தில் குறிப்பிட்டிருந்த இடத்துக்கு காரில் வந்து இறங்கினர். கடிதத்தை கையில் எடுத்துக் கொண்டு பரிசை வாங்க சம்பந்தப்பட்ட அலுவகத்தில் நுழைந்தனர். அவர்களை பக்கத்து அறையில் காத்திருக்குமாறு அங்கிருந்தவர்கள் தெரிவித்தனர். பரிசை வாங்கிச் செல்லலாம் என சந்தோஷமாக காத்திருந்த கிரிமினல்களை, மறைந்திருந்த போலீசார் பாய்ந்து வந¢து கைது செய்தனர்.இதுகுறித்து, காவல் துறை உயர் அதிகாரி கிரிசாதா கூறுகையில் "இந்த முயற்சியினால் குற்றவாளிகள் சிக்குவார்கள் என்ற நம்பிக்கை குறைவாகவே இருந்தது. எனினும், எங்களது வலையில் 14 பேர் சிக்கி உள்ளதன் மூலம் இந்த முயற்சிக்கு வெற்றி கிடைத்துள்ளது " என்றார்.

நீதிமன்றம் ரூ.98 லட்சம் அபராதம்

விலை உயர்ந்த மருந்துகளை அதிக தள்ளுபடியில் அளிப்பதாக கோடிக்கணக்கான பேருக்கு போலி மெயில் அனுப்பியவருக்கு ஆஸ்திரேலிய நீதிமன்றம் ரூ.98 லட்சம் அபராதம் விதித்துள்ளது.ஆஸ்திரேலியாவின் குயின்ஸ்லாந்து மாநிலத்தைச் சேர்ந்தவர் லான்ஸ் தாமஸ். இவர் வயாக்ரா உட்பட விலையுயர்ந்த வாழ்க்கை முறை மருந்துகளை 80 சதவீதம் வரை தள்ளுபடியில் தருவதாக கோடிக்கணக்கான இந்தியர்களுக்கு இமெயில் அனுப்பி வந்தார்.அமெரிக்காவில் இருந்து சட்டரீதியாக வரவழைக்கப்பட்டு இந்த மருந்துகள் சப்ளை செய்வதாக பொய் தகவலையும் அளித்தார். இதுபோன்ற விரும்பத்தகாத மெயில்களை ஆஸ்திரேலியர்கள் பலர், இந்தியர்களுக்கு அனுப்பி வருவதும் தெரிய வந்துள்ளது.இந்தியாவை சேர்ந்த ஒரு லட்சத்துக்கு மேற்பட்ட கம்ப்யூட்டர் வாடிக்கையாளர்களிடம் இருந்து ஆஸ்திரேலிய மீடியா ஆணையத்துக்கு புகார்கள் வந்தன. அதன் அடிப்படையில் லான்ஸ் தாமசின் லீலைகளை கண்டுபிடித்த ஆணையம், அவருக்கு எதிராக குயின்ஸ்லாந்து நீதிமன்றத்தில் வழக்கு தொடர்ந்தது.வழக்கை விசாரித்த நீதிமன்றம், 'சட்டவிரோதமாக போலி இமெயில்களை கோடிக்கணக்கான மெயில் முகவரிகளுக்கு அனுப்பிய குற்றத்துக்கு ரூ.98 லட்சம் அபராதம் செலுத்த' லான்ஸ் தாமசுக்கு உத்தரவிட்டது. இதே குற்றச்சாட்டில் லான்ஸ் தாமசின் சொத்துக்களை அமெரிக்க அதிகாரிகள் முடக்கி வைத்துள்ளது குறிப்பிடத்தக்கது.

ரூ.47,000 கோடி குவித்துள்ளது

நிதி நெருக்கடிக்கு இடையிலும் இந்த ஆண்டில் ஹாலிவுட் திரையுலகம் டிக்கெட் விற்பனையில் ரூ.47,000 கோடி குவித்துள்ளது. டைட்டானிக் இயக்குனரின் அவதார் திரைப்பட வசூல் ஒரே வாரத்தில் ரூ.1,100 கோடியை தாண்டியுள்ளது.ஹாலிவுட் திரைப்படத் துறையின் முக்கிய மார்க்கெட் அமெரிக்கா, ஐரோப்பிய நாடுகள். மொத்த டிக்கெட் வசூலில் இந்த நாடுகள் 75 சதவீத பங்கு வகிக்கின்றன. இந்நிலையில், கடந்த ஓராண்டாக அமெரிக்கா, இங்கிலாந்து உட்பட மேற்கத்திய நாடுகள் கடும் நிதி நெருக்கடியை சந்தித்து வருகின்றன. எனினும், இந்த நிதி நெருக்கடியால் ஹாலிவுட் திரைப்படங்களின் டிக்கெட் வசூல் பாதித்ததாக தெரியவில்லை. இந்த ஆண்டில் இதுவரை ஹாலிவுட் திரைப்படங்கள் ரூ.47,000 கோடி வசூலை அள்ளிக் கொடுத்துள்ளன. இந்த ஆண்டில் இதுவரை 139 கோடி பேர் தியேட்டர்களில் ஹாலிவுட் படங்களை பார்த்துள்ளனர். இது கடந்த ஆண்டில் தியேட்டர்களுக்கு வந்த ரசிகர்கள் எண்ணிக்கையை விட 3 சதவீதம் அதிகம். 2002ம் ஆண்டு எண்ணிக்கையை விட 12 சதவீத உயர்வு இது. 2007ம் ஆண்டைவிட 2008ம் ஆண்டில் தியேட்டரில் படம் பார்த்தவர்கள் 4.5 சதவீதம் குறைந்தனர்.ஹாலிவுட் படங்களைக் காண ரசிகர்களை தியேட்டருக்கு வரவழைப்பதில் தயாரிப்பாளர்கள் புதிய தொழில்நுட்பங்களை கையாளத் தொடங்கியுள்ளனர். மெகா பட்ஜெட் பிரம்மாண்ட படங்கள், முப்பரிமாண படங்களை (3டி) தயாரிக்கின்றனர். இவற்றை டிவிடி, சிடிக்களில் பார்த்தால் திருப்தி ஏற்படாது என்பதால் தியேட்டரில் ரசிகர்கள் அலைமோதுகின்றனர். டைட்டானிக் வெற்றிப் படத்தை இயக்கிய ஜேம்ஸ் கேமரூனின் டைரக்ஷனில் சமீபத்தில் வெளியான படம் அவதார் இதற்கு சிறந்த உதாரணம். கடந்த வாரம் வெளியான இந்தப் படம் 3டி தொழில்நுட்பத்தில் வந்துள்ளது. ஒரே வாரத்தில் உலகம் முழுவதும் ரூ.1,100 கோடி வசூலைக் குவித்துள்ளது. அத்துடன், அமெரிக்காவில் மட்டும் ரூ.360 கோடி வசூலித்து முந்தைய சாதனையை முறியடித்துள்ளது.

ஹிந்தியில் நடிக்க விருப்பம்

மகாதீரா தெலுங்கு படத்தின் இந்தி ரீமேக்கில் நடிக்க விரும்பும் காஜல் அகர்வால் "'மகாதீரா' தெலுங்கில் சூப்பர் ஹிட்டான படம். இதை இந்தியில் தயாரிக்க முயற்சி நடக்கிறது. தெலுங்கை தொடர்ந்து இந்தியிலும் நான் நடிக்க உள்ளதாக கூறுகின்றனர். இது பற்றி எனக்கே தெரியாது. இதுவரை யாரும் என்னை இந்தி படத்துக்காக தொடர்பும் கொள்ளவில்லை. அதே நேரம் இந்தியில் இந்த வேடத்தை ஏற்க விரும்புகிறேன். தெலுங்கில் என்னுடன் ராம்சரண் தேஜா நடித்திருந்தார். அவரும் இந்தியில் நடிப்பாரா எனக் கேட்கிறார்கள். அது பற்றி எனக்கு தெரியாது. நாங்கள் இருவரும் ஷூட்டிங் ஸ்பாட்டில் மட்டும் நண்பர்களாக இருந்தோம். சமீபத்தில் வெளியான 'ஆர்யா 2'படம் நன்றாக ஓடிக்கொண்டிருந்தது. தெலங்கானா பிரச்னை காரணமாக இப்படம் ஓடும் தியேட்டர்கள் மீது தாக்குதல் நடத்தப்பட்டது. இது எனது மனதை மிகவும் பாதித்தது. வருத்தமாக உள்ளேன். இப்போது கார்த்தி ஜோடியாக நான் மகான் அல்ல, தெலுங்கில் ஜூனியர் என்.டி.ஆருடன் ஒரு படத்தில் நடிக்கிறேன்.

மாதவன் ஆமிர் கான் நடித்த மூன்று முட்டாள்கள் படம் சாதனை

மூன்று வருடங்களாக அமீர்கான் தொடர் வெற்றி படங்கள் கொடுத்து வருகிறார். 2007-ல் "தாரே ஜாமீன்பர்" ரிலீசாகி ஹிட்டானது. 2008-ல் "கஜினி" வந்தது. வசூலை வாரி குவித்தது. இவ்வருடம் "3 இடியட்ஸ்" வசூல் குவிக்கிறது.

தமிழ் திரையுலகை விட்டு இந்திக்கு போன மாதவனுக்கு இப்படம் பெரிய அங்கீகாரத்தை கொடுத்து முன்னணி நடிகராக உயர்த்தியுள்ளது. இனி அவருக்கு நிறைய பட வாய்ப்புகள் வரும் என்கின்றனர்.

சென்னையில் அரங்கு நிறைந்த காட்சிகளாக "3 இடியட்ஸ்" படம் ஓடுகிறது. கல்லூரி மாணவ- மாணவிகள் இப்படத்தை பார்க்க முண்டியடிக்கிறார்கள். சென்னையில் 8 தியேட்டர்களில் திரையிடப்பட்டு உள்ளது.

"3 இடியட்ஸ்" படம் வெற்றிகரமாக ஓடுவது குறித்து மாதவன் " சென்னை ரசிகர்கள் “3 இடியட்ஸ்” படத்துக்கு அமோக வரவேற்பு அளித்தது அறிந்து மகிழ்ந்தேன். உலக அளவில் இப்படம் ஹிட்டாகியுள்ளது. எனது நண்பர்களுடன் சென்னை தியேட்டரில் இப்படத்தை பார்க்க ஆசைப்பட்டேன். ஆனால் வேறு பணிகள் இருந்ததால் வரமுடியவில்லை " என்றார்.

ப்ரியாமணியின் புதிய காதலன்

பிரியாமணியும் ஜெகபதிபாபுவும் 3 தெலுங்கு படங்களில் தொடர்ந்து ஜோடியாக நடித்து வருவதால் இருவருக்கும் காதல் மலர்ந்திருப்பதாக ஆந்திரபட உலகம் கிசுகிசுக்கிறது.

தமிழில் பருத்தி வீரன் படம் மூலம் தேசிய விருது பெற்ற பிறகு முன்னணி நடிகர்களுடன் நடித்தார். மலையாளத்திலும் அறி முகமானார். ஏற்கனவே பிருதிவிராஜூடன் பிரியாமணியை இணைத்தும் செய்திகள் வந்தது.

இருவரும், திருமணம் செய்துகொள்ளப் போவதாகவும் கூறப்பட்டது, ஆனால் பிருதிவிராஜ் வெறும் நண்பர்தான் என்று பிரியாமணி மறுத்தார்.' தனது தாயும், பிருதிவிராஜ் அம்மாவும் தோழிகள். பால்யகால தோழிகள் என்பதால் நாங்கள் நெருங்கி பழகுகிறோம்'என்றார்.

மலைக்கோட்டை படத்தில் விஷாலும், பிரியாமணியும் ஜோடியாக நடித்தனர். அப்போது ஒரு நடிகையை காதலிப்பதாகவும், அந்த நடிகைக்கு காதலிக்கிற விஷயம் தெரியாது என்றும் விஷால் கூறினார். அது பிரியாமணியாக இருக்கலாம் என்று பேச்சுகள் அடிப்பட்டன. இப்போது ஜெகபதிபாபுவுடன் காதல் என்கின்றனர். பெல்லைனா கொத்தல்லோ, பிரவர்க்கியூடு ஆகிய இருபடங்களில் இரண்டு பேரும் ஜோடியாக நடித்தனர்.

இப்படங்கள் ஆந்திராவில் வெற்றிக்கரமாக வசூலை வாரிகுவித்தது. இதையடுத்து அவர்களை ராசியான ஜோடி என தெலுங்குகாரர்கள் கொண்டாடினார்கள். இப்போது “மீண்டும் சாத்யம்” என்ற தெலுங்கு படத்தில் ஜோடி சேர்ந்துள்ளார்கள். கீர்த்தி சாவ்லாவும் இதில் முக்கிய வேடத்தில் நடிக்கிறார்.

இப்படத்தில் ஜெகபதி பாபுவுடன் பிரியாமணி நெருக்கமாக நடித்த படங்கள் இண்டர்நெட்டில் பரவியுள்ளன. இருவரும் ரகசியமாக சந்திப்பதாகவும், நட்சத்திர ஓட்டல்களில் ஒன்றாக தங்குவதாகவும் கூறுகின்றனர். இந்த காதல் பற்றி ஜெகபதியிடம் கேட்டபோது"நானும் பிரியாமணியும் நண்பர்கள். எங்களுக்குள் காதல் சமாச்சாரம் எதுவும் இல்லை " என்று மறுத்தார்.

இன்னொரு கவிஞரை கவிழ்க்க பார்க்கும் முத்துகுமார்

கடந்த 5 ஆண்டுகளைப் போலவே இந்த ஆண்டும் அதிக திரைப்படங்களுக்கு பாடல்கள் எழுதி நம்பர் ஒன் இடத்தில் இருக்கிறார் இளம் பாடலாசிரியர் நா.முத்துக்குமார். இந்த ஆண்டில் மட்டும் 34 படங்களில் இடம்பெற்ற 126 பாடல்களை எழுதியிருக்கும் நா.முத்துக்குமார், இதில் 14 படங்களில் இடம்பெற்ற மொத்த பா‌டல்களையும் எழுதியுள்ளார்.இரண்டாவது இடத்தில அதிக பாடல்களை எழுதி கவிஞர் அண்ணாமலை இருக்கிறார்.வேட்டைக்காரன் படத்தில் இவர் எழுதிய என் உச்சி மண்டையில சூர் ங்குது பாடல் டாப் லிஸ்டில் உள்ளது.முத்துகுமார் இவரை ஓரம் கட்ட முயற்சி செய்து வருகிறாராம்.

இதுவரை காட்டாத கவர்ச்சியையெல்லாம் ‌காட்டி-கஸ்தூரி

மத்திய அமைச்சர் அழகிரியின் மகன் தயாநிதி அழகிரி தயாரிக்கும் புதிய படமான தமிழ் படத்தில் நடிகை கஸ்தூரி நடிக்கிறார். ரீ-எண்ட்ரிக்காக துடித்துக் கொண்டிருக்கும் கஸ்தூரி இந்த படத்தில் இதுவரை காட்டாத கவர்ச்சியையெல்லாம் ‌காட்டி கலக்கியிருக்கிறாராம். டைரக்டர் சி.எஸ்.அமுதன் இயக்கத்தில் உருவாகியுள்ள இப்படத்தின் நாயகனாக சென்னை 28 புகழ் நடிகர் மிர்ச்சி சிவா நடித்துள்ளார். அவருக்கு ஜோடியாக மும்பையைச் சேர்ந்த தீஷாபாண்டே நடித்திருக்கிறார். தமிழ் சினிமாவின் ஹிட் ஆன படங்களை எடுத்துக் கொண்டு அதில் இருந்த கதையை உருவாக்கியிருக்கிறாராம் டைரக்டர் அமுதன்.

தமிழர் பகுதிகளில் ஓட்டு வேட்டையாட பொன்சேகா முடிவு

இலங்கை அதிபர் தேர்தலில், எதிர்க்கட்சி கூட்டணி சார்பில் போட்டியிடும் சரத் பொன்சேகா, முல்லைத் தீவு, கிளிநொச்சி உள்ளிட்ட தமிழர் பகுதிகளில் தீவிர பிரசாரம் செய்ய திட்டமிட்டுள்ளார்.இலங்கை அதிபர் தேர்தல், அடுத்த மாதம் நடக்கவுள்ளது. ஆளும் கட்சி சார்பில் தற்போதைய அதிபர் ராஜபக்ஷேவும், எதிர்க்கட்சி கூட்டணி சார்பில் ராணுவ முன்னாள் தளபதி சரத் பொன்சேகாவும் போட்டியிடுகின்றனர். இருவருக்கும் இடையே கடும் போட்டி நிலவுகிறது. இலங்கை முழுவதும் சுற்றுப் பயணம் மேற் கொண்டு, இருவரும் பிரசாரம் செய்து வருகின்றனர்.


பிரசார திட்டம் குறித்து சரத் பொன்சேகாவின் மேலாளர் கூறியதாவது:தற்போது முகாம்களில் வசித்து வரும் தமிழர்களில் 15 ஆயிரம் பேர் மட்டுமே, ஓட்டுப் போடுவதற்காக தங்களது பெயர்களை பதிவு செய்துள்ளனர். இருந்தாலும், இவர்களின் ஆதரவை பெறுவதற்கு சரத் பொன்சேகா முடிவு செய்துள்ளார். தமிழர்கள் அதிகம் வசிக்கும் பகுதிகளில் தீவிர பிரசாரம் மேற்கொள்ளும் வகையில், அவரது பிரசார பயண திட்டம் வகுக்கப்பட்டுள்ளது. அடுத்த மாதம் 4ம் தேதி, முல்லைத் தீவு, கிளிநொச்சி உள்ளிட்ட இடங்களில் சரத் பொன்சேகா பிரசாரம் செய் வதற்கு ஏற்பாடு செய்யப் பட்டுள்ளது. அதற்கு அடுத்த நாளில், அம்பாறை மற்றும் மட்டக்களப்பு ஆகிய இடங்களில் பிரசாரம் செய்வார்.இவ்வாறு மேலாளர் தெரிவித்தார்.


விடுதலைப் புலிகளுக்கு எதிரான போரில், இலங்கை ராணுவம் வெற்றி பெற்றதற்கு, சரத் பொன்சேகாவே முக்கிய காரணம் என, கூறப்படுவதால், தமிழர் பகுதிகளில் இவருக்கு செல்வாக்கு குறைவாக இருப்பதாக தெரியவந்துள்ளது. இதை சமாளிப்பதற்காகவே, அவர் தமிழர் பகுதிகளில் தீவிர பிரசாரம் செய்ய திட்டமிட்டுள்ளதாக, இலங்கை அரசியல் வட்டாரங்கள் தெரிவித்தன.

அமெரிக்க விமானத்தை தகர்க்க பெரும் சதி: ஐரோப்பாவில் உஷார் பாதுகாப்பு கெடுபிடி

அமெரிக்க விமானத்தை நடு வானில் தகர்க்க முயன்ற சம்பவத்தை அடுத்து, அமெரிக்கா, ஐரோப்பிய நாடுகள் முழுவதும் பாதுகாப்பு அதிகரிக்கப்பட்டுள்ளது. அமெரிக்காவின் டெல்டா ஏர் - லைன்ஸ் க்கு சொந்தமான பயணிகள் விமானம், 278 பயணிகளுடன் நெதர்லாந்து நாட்டின் ஆம்ஸ்டர்டாம் நகரில் இருந்து, அமெரிக்காவின் டெட்ராயிட் நகருக்கு நேற்று முன்தினம் புறப்பட்டது. விமானம், டெட்ராயிட் நகரை நெருங்கிக் கொண்டிருந்தபோது, அதில் அமர்ந்திருந்த ஒரு பயணி, தனது காலின் கீழே குனிந்து, தீப்பற்ற வைப்பதற்கு முயற்சித்துக் கொண்டிருந்தான்.


இதை அறிந்த விமான ஊழியர்கள், சக பயணிகள் உதவியுடன் அந்த மர்ம நபரை மடக்கி பிடித்தனர். உடனடியாக, டெட்ராயிட் விமான நிலையத்துக்கு தகவல் கொடுக்கப்பட்டு சில நிமிடங்களில், விமானம் பாதுகாப்பாக தரை இறங்கியது. பாதுகாப்பு அதிகாரிகள் விமானத்தை சுற்றி வளைத்து அந்த மர்ம நபரையும் கைது செய்தனர்.அவனிடம் பாதுகாப்பு அதிகாரிகள் நடத்திய விசாரணையில், பல திடுக்கிடும் தகவல்கள் தெரியவந்தன. இதுகுறித்து அமெரிக்காவின் எப்.பி.ஐ., அதிகாரிகள் கூறியதாவது:கைது செய்யப்பட்டுள்ள நபர் நைஜீரியாவைச் சேர்ந்தவன். அவன் பெயர் உமர் பரூக் அப்துல் முதாலப்(23). லண்டனில் இன்ஜினியரிங் படித்துள்ளான். அல் - குவைதா அமைப்புடன் இவனுக்கு தொடர்பு உண்டு.அமெரிக்க விமானத்தை நடு வானில் தகர்த்து, மிகப் பெரிய சேதத்தை ஏற்படுத்துவதே இவனது நோக்கம்.


இதற்காக, பயங்கர விளைவுகளை ஏற்படுத்தக் கூடிய வெடிமருந்தை, தனது காலில் "டேப்'போட்டு ஒட்டியிருந்தான். அந்த வெடி மருந்துகளுக்குள், ஊசி மூலம் திரவத்தை செலுத்தினால், பயங்கரமான விளைவுகள் ஏற்படும். இதற்கு முயற்சித்தபோது தான், சக பயணிகள் பார்த்து விட்டனர்.இதனால், பெரும் சதித் திட்டம் முறியடிக்கப்பட்டது. முதாலப்புக்கு கடுமையான தீக் காயம் ஏற்பட்டுள்ளது. மிச்சிகன் மருத்துவமனையில் அவனுக்கு சிகிச்சை அளிக்கப்பட்டு வருகிறது. வெடிமருந்துகளை பெறுவதற்காகவும், அதை எப்படி வெடிக்க வைக்க வேண்டும் என பயிற்சி பெறுவதற்காகவும், அவன் ஓமன் சென்றதும் தெரியவந்துள்ளது. தொடர்ந்து தீவிர விசாரணை நடத்தி வருகிறோம்.இவ்வாறு அதிகாரிகள் தெரிவித்தனர்.


கழிவறையில்தயாரிப்பு வேலை:விமானத்தை வெடிக்கச் செய்வதற்காக, விமானத்தில் உள்ள கழிவறையில் முதாலப் 20 நிமிடங்கள் தயாரிப்பு வேலையில் ஈடுபட்டுள்ளான். மீண்டும் அவன் இருக்கைக்கு திரும்பிய போது, அவனிடமிருந்து வெடிமருந்து பொருள் நாற்றம் வீசியுள்ளது. அரை அடிநீளமுள்ள பாக்கெட்டில் வெடிமருந்து பொருளை அவன் மறைத்து வைத்திருந்தான். அதுமட்டுமல்லாது, அவனது பேன்ட் அடிபாகத்தில் தீ எரிந்துள்ளது. அப்போது சக பயணிகள் சந்தேகப்பட்டு, அவனை மடக்கி பிடித்துள்ளனர்.அப்துல் முதாலப்பின் தந்தை, நைஜீரியாவில் ரிசர்வ் வங்கியின் தலைவராக பொறுப்பு வகித்தவர். தற்போது அவர் ஓய்வு பெற்று விட்டார்.


20 ஆண்டு சிறை:விமானத்தை தகர்க்க முயற்சி செய்ததாக முதாலப் மீது குற்றச்சாட்டு பதிவு செய்யப்பட்டுள்ளது. இருப்பினும் அவனிடம் தொடர்ந்து விசாரணை நடக்கிறது. தற்போது மருத்துவமனையில் முதாலப் சிகிச்சை பெற்று வருவதால், அடுத்த மாதம் 8ம் தேதி தனிப்பட்ட முறையில் விசாரணை நடக்க உள்ளது. அதுவரை அவனுக்கு ஜாமீன் கொடுக்க முடியாது' என, அமெரிக்க அட்டர்னி ஜெனரல் எரிக் ஹோல்டர் தெரிவித்துள்ளார். முதாலப் மீதான குற்றச்சாட்டு நிரூபிக்கப்பட்டால், அவனுக்கு 20 ஆண்டு சிறை தண்டனை கிடைக்கும்.


கடும் பாதுகாப்பு:நேற்று முன்தினம் நடந்த சம்பவத்தையொட்டி அமெரிக்கா, கனடா, சிங்கப்பூர் , பிரிட்டன், ஜெர்மன், பிரான்ஸ் இத்தாலி, ஸ்பெயின், நெதர்லாந்து உள்ளிட்ட நாடுகளின் விமான நிலையங்கள் அதிக பட்ச பாதுகாப்பு போடப்பட்டுள்ளது. பயணிகள் கடும் சோதனைக்கு பிறகே விமானத்துக்குள் அனுமதிக்கப்படுகின்றனர்.அமெரிக்காவின் முக்கிய இடங்களை தகர்க்க பயங்கரவாதிகள் திட்டமிட்டுள்ளதால், அமெரிக்கா நோக்கி வரும் அனைத்து விமானங்களிலும் கூடுதல் பரிசோதனை நடத்தும் படி அதிபர் ஒபாமா, பாதுகாப்பு அதிகாரிகளுக்கு அறிவுறுத்தியுள்ளார். தற்போது ஹவாய் தீவில் குடும்பத்துடன் விடுமுறையை கழித்து வருகிறார் ஒபாமா. இருப்பினும் நாட்டு நடப்புகளை அவர் உன்னிப்பாக கவனித்து வருவதாக வெள்ளை மாளிகை அதிகாரி தெரிவித்துள்ளார்.


கடந்த 2001ம் ஆண்டு டிசம்பர் மாதம், ரிச்சர்டு ரீட் என்பவன் ஷூ குண்டு மூலம் டிரான்ஸ் அட்லாண்டிக் விமானத்தை தகர்க்க திட்டமிட்ட போது பிடிப்பட்டான். ரிச்சர்டு ரீட் தனது ஷூவில் "பெடின்' எனப்படும் சக்தி வாய்ந்த வெடிமருந்தை மறைத்து வைத்திருந்தான். இதே தொழில் நுட்பத்தை பயன்படுத்தி தான், முதாலப்பும் விமானத்தை தகர்க்க திட்டமிட்டுள்ளான். கிறிஸ்துமஸ் மற்றும் புத்தாண்டு விடுமுறையில் அமெரிக்க விமானங்களில் நிறைய கூட்டம் இருக்கும் என்பதால் அதிக அளவில் சேதத்தை ஏற்படுத்த, பயங்கரவாதிகள் இந்த காலக்கட்டத்தை தேர்ந்தெடுப்பதாக, புலனாய்வு அதிகாரிகள் தெரிவிக்கின்றனர்.

சொர்க்க வாசல் திறந்தது

ஸ்ரீரங்கம் ரெங்கநாத சுவாமி கோவில் வைகுண்ட ஏகாதசி மஹோத்ஸவத்தில், ராப்பத்து திருவாய்மொழி முதல் திருநாளான இன்று அதிகாலை, பரமபத வாசல் (சொர்க்க வாசல்) திறக்கப்பட்டது.


"பூலோக வைகுண்டம்' என்றழைக்கப்படும் ஸ்ரீரங்கம் ரெங்கநாத சுவாமி கோவிலில், கடந்த 17ம் தேதி திருநெடுந் தாண்டகம் நிகழ்ச்சியுடன் வைகுண்ட ஏகாதசி மஹோத்ஸவம் துவங்கியது. 18ம் தேதி பகல்பத்து முதல்நாள் நிகழ்ச்சி நடந்தது. பகல்பத்து திருநாட்களில் ஸ்ரீநம்பெருமாள் நாள்தோறும் ஓர் அலங்காரத்தில் காட்சியளித்தார். பகல்பத்து திருமொழி திருநாளின் பத்தாம் நாளான நேற்று, ஸ்ரீநம்பெருமாள் மோகினி அலங்காரத்தில் சேவை சாதித்தார்.


நிகழ்ச்சியில், காலை 6 மணிக்கு ஸ்ரீநம்பெருமாள் நாச்சியார் திருக்கோலத்துடன் மூலஸ்தானத்திலிருந்து புறப்பாடாகி, பகல்பத்து மண்டபம் சேர்ந்து, அரையர் சேவை, அலங்காரம் அமுது செய்யத் திரை, வெள்ளிச்சம்பா அமுது செய்யத் திரை, உபயக்காரர் மரியாதை, பொதுஜன சேவை, புறப்பாட்டுத் திரை ஆகியவை முடிந்து, மாலை 5.30 மணிக்கு அர்ச்சுன மண்டபத்திலிருந்து புறப்பாடாகி ஆரியபட்டாள் வாசல் சேர்ந்தார். திருக்கொட்டார பிரகாரம் வழியாக வலம் வந்து, இரவு 7 மணிக்கு கருட மண்டபம் சேர்ந்தார். ஆழ்வாராதிகள் மரியாதையாகி, இரவு 8.30 மணிக்கு கருட மண்டபத்திலிருந்து புறப்பாடாகி, இரவு 9 மணிக்கு மூலஸ்தானம் சேர்ந்தார். நிகழ்ச்சியில், திரளான பக்தர்கள் பங்கேற்று சுவாமி தரிசனம் செய்தனர்.அதைத்தொடர்ந்து, ராப்பத்து திருவாய்மொழி முதல் திருநாளான இன்று அதிகாலை, விழாவின் முக்கிய நிகழ்ச்சியான பரமபத வாசல் திறப்பு கோலாகலமாக நடந்தது.


அதிகாலை 3.45 மணியளவில் ஸ்ரீநம்பெருமாள் மூலஸ்தானத்திலிருந்து விருச்சிக லக்னத்தில் புறப்பட்டார். காலை 4.45 மணிக்கு பரமபத வாசல் திறப்பு நடந்தது. சொர்க்கவாசல் திறப்பு நிகழ்ச்சியை முன்னிட்டு, சுவாமி தரிசனம் செய்ய, வெளி மாவட்டங்கள் மட்டுமின்றி, பல்வேறு மாநிலங்கள் மற்றும் வெளிநாட்டைச் சேர்ந்த லட்சக்கணக்கான பக்தர்கள் ஸ்ரீரங்கத்தில் குவிந்தனர்.

தமிழச்சி தங்கபாண்டியன் `மஞ்சணத்தி' நூல் வெளியீடு

கவிஞர் தமிழச்சி தங்கபாண்டியன் கடந்த 2 ஆண்டுகளாக பத்திரிகைகளில் வெளியிட்ட 70 கவிதைகளை தொகுத்து `மஞ்சணத்தி' என்ற பெயரில் கவிதை புத்தகம் தயாரித்துள்ளார். அந்த புத்தகத்தின் வெளியீட்டு விழா சென்னை ராஜா அண்ணாமலைபுரத்தில் உள்ள செட்டிநாடு வித்யாசரம் பள்ளி வளாகத்தில் உள்ள குமாரராஜா முத்தையா அரங்கத்தில் நடைபெற்றது.

விழாவில், துணை முதல்-அமைச்சர் மு.க.ஸ்டாலின் தலைமை தாங்கி புத்தகத்தை வெளியிட்டார். அதை கவிஞர் தமிழச்சி தங்கபாண்டியனின் தாயார் ராஜாமணி தங்கபாண்டியன் பெற்றுக்கொண்டார். விழாவில், துணை முதல்-அமைச்சர் மு.க.ஸ்டாலின் "
தமிழச்சி தங்கபாண்டியன் விருதுநகர் மாவட்டம் மல்லாங்கிணறு என்ற கிராமத்தில் பிறந்து விருதுநகரில் பள்ளி படிப்பை முடித்து, மதுரையில் கல்லூரி படிப்பை முடித்து, சென்னை ராணிமேரி கல்லூரியில் ஆங்கில விரிவுரையாளராக 12 ஆண்டுகள் திறமையாக அவர் பணியாற்றியுள்ளார்.

கடந்த 2007-ம் ஆண்டு நெல்லையில் தி.மு.க. இளைஞரணி மாநில மாநாட்டை நடத்தினோம். அது முதல் மாநாடாகும். அந்த மாநாடு நடத்த முதல்-அமைச்சர் கருணாநிதி எனக்கு அனுமதி தந்தார். மாநாட்டு நிகழ்ச்சியை எப்படி அமைக்கலாம்?, கொடியேற்றுவது யார்?, கொடியேற்றும் பொறுப்பு ஒரு மகளிருக்கு கொடுக்க வேண்டும் என்றபோது, தங்கபாண்டியன் மகள் தமிழச்சியை கொடியேற்ற வைக்கலாமா என்று முதல்-அமைச்சர் கருணாநிதி என்னிடம் கேட்டார்.

நான் அப்போது கூறினேன், அவருக்கு கொடுக்கலாம். ஆனால், அவர் ஆசிரியராக வேலைபார்த்துக் கொண்டிருக்கிறாரே என்றேன். உடனே அவரிடம் போனில் பேசு என்று என்னிடம் அவர் உத்தரவிட்டார். உடனே, போனில் தமிழச்சி தங்கபாண்டியனிடம் பேசினேன். மிகுந்த மகிழ்ச்சியுடன் ஒப்புதல் தந்தார்.

அவருக்கு, மகாகவி பாரதி விருது உள்பட பல்வேறு விருதுகள் கிடைத்துள்ளன. அவரின் கவிதைகளின் சில வரிகள் கல்லூரி பாடத்திட்டத்திலும் சேர்க்கப்பட்டுள்ளது. அவர் முதல் முதலாக கவிதை படிக்க காரணம் என்னவென்றால், உலகமே தந்தைதான் என்று எண்ணியிருந்த நேரத்தில், தந்தை தங்கபாண்டியன் திடீரென மறைந்துவிட்டார். அந்த சோகம் தாங்க முடியாமல் முதல் முதலாக கவிதையாக எழுதி வெளியிட்டார்.

தமிழச்சி தங்கபாண்டியன் தி.மு.க. மீது பற்று கொண்டவர். முதல்-அமைச்சர் கருணாநிதி மீதும் பற்றும், பாசமும் கொண்டவர். ஆங்கிலத்திலும், தமிழிலும் புலமை பெற்றவர். அவரது குடும்பமே கழக குடும்பம் ஆகும். தமிழச்சி தங்கபாண்டியன் அரசு பணியை விட்டார். அவர் தந்தை தங்கபாண்டியனும் அரசு பணியை ஒதுக்கிவிட்டுத்தான் அரசியலுக்கு வந்தார்.

தமிழச்சி தங்கபாண்டியன் வருங்காலத்தில் சிறப்பான அரசியலில் உச்சமான நிலைக்கு செல்வார். இசை, நாட்டியம், நாடகம் மற்றும் ஒளிக்காட்சி ஆகியவை மூலம் மஞ்சணத்தி கவிதை புத்தகம் விளக்கம் இங்கு காண்பிக்கப்பட்டது. இதுவரை இப்படி ஒரு புத்தக வெளியீட்டு விழாவை நான் கண்டு ரசித்தது இல்லை.

ஒரு ஆணின் வெற்றிக்கு பின் ஒரு பெண் இருக்கிறார் என்று சொல்வது உண்டு. ஆனால், தமிழச்சி தங்கபாண்டியன் என்ற பெண்ணுக்கு பின்னால் 2 ஆண்கள் துணை நிற்கிறார்கள். ஒன்று அவரது தந்தை மறைந்த தங்கபாண்டியன், மற்றொன்று அவருடைய வாழ்க்கை துணைவர். எனவே, அவரது கணவரை நான் பாராட்டுகிறேன்" என்று மு.க.ஸ்டாலின் பாராட்டி பேசினார்.

கவிஞர் தமிழச்சி தங்கபாண்டியன் " தமிழ்நாட்டில் இளைஞர்களுக்காக, மாணவர்களுக்காக, கிராமத்து பெண்களின் முன்னேற்றத்திற்காக, அவர்கள் சுயமரியாதையுடன் வாழவும் துணை முதல்-அமைச்சர் மு.க.ஸ்டாலின் ஆற்றிய பணிகள் எண்ணில் அடங்காது. அவர் 60 மணி நேரம் நின்றுகொண்டே நலத்திட்ட உதவிகளை வழங்கியிருக்கிறார்.

அதுமட்டுமல்ல, அவரது கவனத்திற்கு வரும் ஏராளமான மக்களுக்கு குறிப்பாக ஏழை மாணவர்களுக்கு, அவர்களை படிக்கவைக்க பல உதவிகளை செய்து வருகிறார். ஒரு மாணவருக்கு டியூஷன் படிக்க ஏற்பாடு செய்தார். மற்றொரு மாணவருக்கு படிப்புக்கு நிதி வழங்கினார். அருந்ததி வகுப்பை சேர்ந்த பேராசிரியர் ஒருவருக்கு உரிய ஒதுக்கீட்டின்படி, பேராசிரியர் வேலைக்கு ஏற்பாடு செய்தார். மக்களின் அடிப்படை பிரச்சினைகளை உணர்ந்து உதவி செய்து வருகிறார். எதிர்கால தமிழகம் உங்கள் பின்னால் நடைபோடும் "என்றார் .

எழுத்தாளர் சிவசங்கரி " துணை முதல்-அமைச்சரிடம் தமிழ்நாட்டு மக்கள் நிறைய எதிர்பார்க்கிறார்கள். காரணம் அவர் மக்களுக்கு நிறைய தொண்டு ஆற்றிவருகிறார். தமிழ்நாடு இந்திய நாட்டில் முதல் மாநிலமாக அவர் ஆக்குவார் என்று நம்புகிறேன், அவரை பாராட்டுகிறேன். பல மாநில கவிஞர்களின் கருத்துகள் தமிழச்சி தங்கபாண்டியன் கவிதைகளில் காண முடிகிறது. இவருடைய கவிதையில் கிராமிய சிந்தனை மேலோங்கி நிற்கிறது" என்றார் .

ர்.

விழாவில், கவிஞர்கள் வசந்த சூர்யா, கல்யாண்ஜி, பேராசிரியர் எச்.எஸ்.சிவபிரகாஷ், நாவலாசிரியர் கே.ஆர்.மீரா உள்பட பலர் வாழ்த்தி பேசினார்கள். முன்னதாக நரசிம்மாச்சாரி, வசந்த லட்சுமி குழுவினரின் நாட்டியம், கவிஞர் ரவி சுப்பிரமணியன் பாடல், ஒளிப்பதிவாளர் செழியன் காட்சி அமைப்பு மற்றும் 3-ம் அரங்க நிகழ்ச்சி ஆகியவை தமிழச்சியின் கவிதை பற்றி நேரடி விளக்கம் காண்பிக்கப்பட்டது.

தொடக்கத்தில், உயிர்மெய் பதிப்பகம் சார்பில் கவிஞர் மனுஷ்ய புத்திரன் வரவேற்றார். விழாவில், துணை முதல்-அமைச்சர் மு.க.ஸ்டாலினின் மனைவி சாந்தா ஸ்டாலின், மத்திய மந்திரி ஜெகத்ரட்சகன், அமைச்சர் தங்கம் தென்னரசு, நடிகர் சிவகுமார், கவிஞர்கள் வாலி, அப்துல் ரகுமான், சென்னை பல்கலைக்கழக துணை வேந்தர் திருவாசகம், பாதிரியார் வின்சென்ட் சின்னதுரை, சினிமா இயக்குனர்கள் வசந்த், பாலு மகேந்திரா, புலவர் இந்திராகுமாரி, நக்கீரன் கோபால், மு.க.தமிழரசு, திருச்சி சிவா எம்.பி., வசந்தி ஸ்டான்லி எம்.பி., ஆயிரம்விளக்கு உசேன் மற்றும் அய்யப்ப மாதவன், கர்ணா பிரசாத் உள்பட பலர் கலந்துகொண்டனர். நிகழ்ச்சியை நடிகை சொர்ணமால்யா தொகுத்து வழங்கினார்.

குடிச்சிருக்கேன் ஆனா குடிக்கலை

பொதுவாக பிராந்தி, விஸ்கி, பீர் போன்ற மது வகைகள் ஆல்கஹால் மூலம் தயாரிக்கப்படுகிறது. இதனால்தான் மது குடித்தவர்கள் போதையில் மிதக்கிறார்கள்.

ஆல்கஹால் மூளையை தாக்குவதால் நரம்பு மண்டலம் தன் கட்டுப்பாட்டை இழந்து தாறுமாறாக செயல்படுகிறது. இதனால் தள்ளாடுகிறார்கள். சமுதாயத்தில் அவமதிக்கப்படுகிறார்கள்.

இது போன்ற சம்பவங் களை தவிர்க்க போதை இல்லாத மது தயாரிக்கப்பட்டுள்ளது. இதை இங்கிலாந்து நாட்டை சேர்ந்த விஞ்ஞானிகள் தயாரித்துள்ளனர். லண்டன் இம்பீரியல் கல்லூரி விஞ்ஞானி பேராசிரியர் டேவிட் நட் தலைமையிலான குழு இதற்கான முயற்சியை மேற் கொண்டது.

மது தயாரிக்க பயன்படுத்தும் ஆல்கஹால் செயற்கையாக கண்டுபிடித்தனர். அது வலியம் என்ற ரசாயன பொருள் மூலம் தயாரிக்கப்பட்டது. இதன் மூலம் போதை இல்லாத மதுவை தயாரித்தனர்.

இந்த மதுவை குடித்தால் போதையோ, தள்ளாட்டமோ ஏற்படவில்லை. ஏனென்றால் இந்த ஆல்கஹால் மூளை நரம்புகளை பாதிப்பதில்லை. ஆனால் உடலில் ஒருவித சந்தோஷ புத்துணர்ச்சியை ஏற்படுத்தி மகிழ்ச்சியான நிலையில் வைத்திருக்க கூடியது.

இந்த ஆல்கஹால் மூலம் மது தயாரிக்கலாமா என்பது குறித்து போதை மருந்து நிபுணர்களின் கருத்தை அரசு கேட்டுள்ளது. இந்த வகை மதுக்கள் தயாரிக்கப்பட்டு விற்பனைக்கு வரவேண்டும் என இங்கிலாந்து மக்கள் விருப்பம் தெரிவித்துள்ளனர்.

இதன் மூலம் மது குடித்து பயமின்றி “ஹாயாக” வாகனங்கள் ஓட்டிச்செல்லலாம். யாருக்கும் இடையூறு இன்றி மகிழ்ச்சியை அனுபவிக்கலாம் என கருத்து தெரிவித்துள்ளனர்.

சிறை வளாகத்தில் செல் போன் ?

சிறை வளாக தண்ணீர் தொட்டி அருகே மண்ணுக்குள் புதைத்து வைத்திருந்த மொபைல் போன் கண்டெடுக்கப்பட்டது.கோவை மத்திய சிறையில் போலீசாரும், வார்டன்களும் கைதிகளின் "செல்'களில் அடிக்கடி சோதனை நடத்துகின்றனர். நேற்று முன்தினம் நடந்த சோதனையில், கைதிகள் குளிக்கும் தண்ணீர் தொட்டி அருகில், மண்ணில் புதைக்கப்பட்டிருந்த மொபைல் போனை கண்டெடுத்தனர்.இந்த மொபைல் போன் யாருடையது, யாருடன் தொடர்பு கொள்ள பயன்படுத்தப்பட்டது என்பது குறித்து விசாரிக்கப்படுகிறது.

சபாஷ் ஏர் - இந்தியா - அற்புதமான பணி

டிக்கெட், பாஸ்போர்ட் இல்லாமல் விமானத்தின் கழிவறையில் மறைந்திருந்து, சவுதியில் இருந்து இந்தியா வந்த வாலிபர் கைது செய்யப்பட்டார். அவர் மீது, பாஸ்போர்ட் சட்டத்தின் கீழ் வழக்கு பதிவு செய்யப்பட்டுள்ளது.


உத்தர பிரதேச மாநிலம், மொரதாபாத்தைச் சேர்ந்தவர் ஹபீப் உசேன் (25). இவர், சவுதி அரேபியாவில் உள்ள மெதினா விமான நிலையத்தில், துப்புரவுப் பணிகளை மேற்கொள்ளும் நிறுவனத்தில் பணியாற்றி வந்தார். இந்நிலையில், கடந்த வெள்ளியன்று மெதினாவில் இருந்து ஜெய்ப்பூர் புறப்பட்ட ஏர் - இந்தியா விமானத்தில் யாருக்கும் தெரியாமல், அதிலுள்ள கழிவறையில் மறைந்து கொண்டார்.


விமானம் மெதினாவில் இருந்து புறப்பட்ட அரை மணி நேரத்தில், அவர் கழிவறையில் இருப்பது கண்டு பிடிக்கப்பட்டது. பயணி ஒருவர் கழிவறைக்குச் சென்ற போது, உசேன் உள்ளே இருப்பது தெரியவந்தது. விமானம் வெள்ளியன்று இரவு ஜெய்ப்பூரில் தரையிறங்கியது.


விமான நிலைய அதிகாரிகள் மற்றும் போலீசார் அவரிடம் விசாரணை நடத்திய போது, அவரிடம் பாஸ்போர்ட்டோ, விமானத்தில் பயணம் செய்வதற்கான டிக்கெட்டோ இல்லை என்பது தெரியவந்தது. உடன், ராஜஸ்தான் பயங்கரவாத தடுப்புப் படை போலீசார், சிறப்பு அதிரடிப் படை போலீசார் மற்றும் ராணுவ உளவுத் துறையினர் ஆகியோர் உசேனிடம் விசாரணை நடத்தினர்.


அதில், விமானத்தில் பயணித்தவர்களுக்கோ அல்லது விமானத்திற்கோ எந்த விதமான ஊறு விளைவிக்கும் நோக்கத்தோடு, உசேன் அதில் ஏறவில்லை. மெதினாவில் தான் வேலை பார்த்த நிறுவனத்திடம் இருந்து தப்பிக்கவே, இப்படி திருட்டுத் தனமாக விமானத்தில் ஏறியது தெரியவந்தது. இருந்தாலும், இந்த விவகாரம் பெரிய அளவிலான பாதுகாப்பு மீறல் என்பதால், அதிகாரிகள் தீவிரமாக விசாரணை நடத்தி வருகின்றனர்.


இதையடுத்து, மெதினா விமான நிலையத்தில் துப்புரவு பணிகளை கையாளும் நிறுவனத்திற்கு விளக்கம் கேட்டு, ஏர் - இந்தியா நிறுவனம் கடிதம் எழுதியுள்ளது. விமானத்தின் கழிவறையில் உசேன் இருப்பது தெரியவந்ததும், அவரால், யாருக்கும் எந்த விதமான ஆபத்தும் ஏற்படாது என்பதை உறுதி செய்த பின்னரே, விமானத்தை ஜெய்ப்பூருக்கு கொண்டு செல்ல அதன் பைலட் தீர்மானித்துள்ளார்.


ஏர் - இந்தியா நிறுவனத்தின் தகவல் தொடர்பாளர் இதுபற்றி கூறுகையில், உசேன் இந்தியாவைச் சேர்ந்தவர். சவுதியில் வேலை பார்த்த நிறுவனத்தின் மீது ஏற்பட்ட அதிருப்தி காரணமாக, இப்படி தப்பிக்க முற்பட்டுள்ளார்,'' என்றார்.போலீஸ் விசாரணையில் "ஆறு மாதங்களுக்கு முன், நான் வேலைக்காக சவுதி அரேபியா சென்றேன். அங்கு நான் எதிர்பார்த்த வேலை கிடைக்கவில்லை. அதற்கு பதிலாக, மெதினா விமான நிலையத்தில் துப்புரவுப் பணி வழங்கப்பட்டது.


எனக்கு வேலை கொடுத்த நிறுவனமே பாஸ்போர்ட்டை வைத்துக் கொண்டது. தினமும் கடுமையாக வேலை வாங்கினர். அதனால், சொந்த நாட்டுக்கே திரும்பி விட நினைத்தேன். அதற்கு ஏற்றார் போல், அன்றைக்கு ஜெய்ப்பூர் செல்லும் விமானத்தை சுத்தம் செய்யும் பணி எனக்கு வழங்கப்பட்டது. அந்த வாய்ப்பை பயன்படுத்தி கழிவறையில் ஒளிந்து கொண்டேன். விமானம் பறந்த பின்னரே நான் கழிவறையில் இருப்பது தெரியவந்தது" என்று உசேன் கூறினார்.

அமெரிக்க விமானத்தை நடுவானில் தகர்க்க முயற்சி; வெடி மருந்துகளுடன் தீவிரவாதி கைது

அமெரிக்காவில் 2001-ம் ஆண்டு அல்கொய்தா தீவிரவாதிகள் 4 விமானங்களை கடத்திச்சென்று இரட்டை கோபுரம் மற்றும் அமெரிக்க ராணுவ தலைமை அலுவலகத்தை தகர்த்தனர். அதை தொடர்ந்து மற்றொரு தீவிரவாதி விமானத்தில் ஷூவில் வெடிமருந்தை மறைத்து கொண்டு சென்று நடுவானில் தீப்பற்ற வைக்க முயற்சித்தான்.

இதனால் அமெரிக்காவில் விமானங்களுக்கு பலத்த பாதுகாப்பு போடப்பட்டது. பயணிகளுக்கு பல்வேறு கட்டுப்பாடுகளும் கொண்டு வரப்பட்டன. இதையும் மீறி இப்போது அமெரிக்க விமானம் ஒன்றை நடுவானில் வெடி மருந்து வைத்து தகர்க்க முயற்சி நடந்துள்ளது.

நைஜீரியா நாட்டில் உள்ள லாகோஸ் நகரில் இருந்து நெதர்லாந்தில் உள்ள ஆம்ஸ்டர்டாம் நகருக்கு ஒரு விமானம் வந்தது. அதில் அமெரிக்கா செல்லும் பயணிகளும் வந்தனர். அவர்கள் அமெரிக்காவில் உள்ள டெட்ராய்ட் நகருக்கு அமெரிக்காவுக்கு சொந்தமான நார்த் வெஸ்ட் ஏர்லைன் விமானத்தில் ஏற்றி விடப்பட்டனர். அதில் 278 பயணிகள் இருந்தனர்.

விமானம் டெட்ராய்ட் நகருக்கு அருகே பறந்து கொண்டிருந்தபோது 3-வது வரிசையில் அமர்ந்திருந்த பயணி ஒருவர் திடீரென குனிந்து தனது காலில் இருந்த ஏதோ ஒரு பொருளை எடுத்து தீப்பற்ற வைத்தார்.

உடனே அருகில் இருந்த பயணிகள் அலறினார்கள். மற்ற பயணிகள் பாய்ந்து சென்று அவரை மடக்கி தீ பரவவிடாமல் தடுத்தனர். விமான ஊழியர்களும் தீயணைப்பு கருவியுடன் ஓடிவந்து தீயை உடனடியாக அணைத்தனர்.

பயணிகளும், ஊழியர்களும் அவரை மடக்கிப் பிடித்து கட்டிப்போட்டனர். பின்னர் டெட்ராய்ட் நகரில் விமானம் அவசரமாக தரை இறக்கப்பட்டது. அங்கு தயாராக இருந்த அமெரிக்க போலீசார் அவரை கைது செய்தனர்

போலீசார் விசாரணை நடத்தியதில் அந்த பயணி அல்கொய்தா தீவிரவாத இயக்கத்துடன் தொடர்பு உடையவன் என்று தெரிய வந்தது. விமானத்தை தகர்க்கும் நோக்கத்துடனே தீப்பற்ற வைத்து இருக்கிறான்.

அவனது பெயர் அப்துல் முதலாத் (வயது 23). நைஜீரியா நாட்டைச் சேர்ந்தவன். லண்டன் கல்லூரி மாணவர் என்று தெரிந்தது. வெடிமருந்தை ஒரு திரவத்தில் கலந்து அதை காலில் மறைத்து டேப் போட்டு ஓட்டி எடுத்து வந்துள்ளான். விமானம் அமெரிக்காவுக்குள் பறந்து கொண்டிருந்தபோது காலில் கட்டி வைத்திருந்த மருந்தில் தீப்பற்ற வைத்துள்ளான்.

அதை அருகில் இருந்த பயணிகள் பார்த்து விட்டனர். இதனால் உடனடியாக மடக்கிப்பிடித்து விட்டனர்.

வெடி மருந்து திரவத்தில் கலந்து இருந்ததால் அது சரியாக தீப்பற்றவில்லை. மேலும் வெடிமருந்து அளவு மிகவும் குறைவாக இருந்தது. எனவேதான் தீப்பற்ற வைத்தபோது லேசாக புகைந்துள்ளது. எதிர்பார்த்தப்படி அது வெடிக்கவில்லை. பெரிய அளவில் தீப்பற்றவும் இல்லை. இதனால் அதிர்ஷ்டவசமாக விமானம் தப்பியது. 278 பயணிகளும் உயிர் தப்பினார்.

தீ பிடித்ததில் தீவிரவாதி அப்துல் முதலாத் காலில் காயம் ஏற்பட்டுள்ளது. அதற்கு சிகிச்சை அளிக்கப்பட்டது. பயணிகள் 2 பேருக்கும் சிறிய அளவில் தீக்காயம் ஏற்பட்டது. அப்துல் முதலாத்தை அமெரிக்க போலீசார் தனி இடத்துக்கு கொண்டு சென்று விசாரித்து வருகின்றனர்.

இந்த சம்பவம் அமெரிக்காவில் பெரும் பரபரப்பை ஏற்படுத்தி உள்ளது. அதிபர் ஒபாமா உடனடியாக பாதுகாப்பை பலப்படுத்த உத்தரவிட்டார். எனவே அனைத்து விமானங்களுக்கும், விமான நிலையங்களுக்கும் கூடுதல் பாதுகாப்பு போடப்பட்டது.

பலத்த பாதுகாப்பையும் மீறி தீவிரவாதி எப்படி வெடிமருந்தை விமானத்துக்குள் கொண்டு வந்தான் என்று தெரியவில்லை. நைஜீரியா விமான நிலையத்தில் பாதுகாப்பில் குளறுபடி இருந்துள்ளது. அதுபற்றியும் விசாரணை நடக்கிறது.

இந்த வெடி பொருளை ஒமன் நாட்டில் இருந்து பெற்றதாக அப்துல் முதலாத் கூறி இருக்கிறான். எனவே இதில் பெரும் சதி வலை இருக்க வேண்டும் என்று கருதப்படுகிறது.

டெட்ராய்ட் நகரில் விமானம் தரை இறங்கியதும், அதை தனியான இடத்துக்கு கொண்டு சென்றனர். விமானத்தில் இருந்த பயணிகள் யாரையும் வெளியே செல்ல அனுமதிக்கவில்லை. தீவிர விசாரணைக்கு பிறகே வெளியே அனுப்பப்பட்டனர். அதில் ஒரு பயணி மீது சந்தேகம் ஏற்பட்டது. அவர் அப்துல் முதலாத் கூட்டாளியாக இருக்கலாம் என கருதி காவலில் வைத்து விசாரித்து வருகின்றனர்.

சம்பவம் குறித்து அப்துல் முதலாத் அருகே அமர்ந்து பயணம் செய்த பெண் பயணி ரெய்ச்சல் கூறியதாவது:-

விமானம் டெட்ராய்ட் நகரை நெருங்கியதால் நாங்கள் எல்லாம் இறங்குவதற்கு தயாரானோம். அப்போது என் அருகே பலூன் வெடிப்பது போன்று ஒரு சத்தம் கேட்டது. தீப்பிளம்பும் தெரிந்தது. அப்போதுதான் அந்த பயணி தீப்பற்ற வைத்தது தெரிந்தது. நாங்கள் விபரீதம் நடக்க போகிறது என பயத்தில் அலறினோம். அப்போது ஒரு பயணி தனது கையில் இருந்த துணியை தீயில் போட்டு அடித்து அணைத்தார். நாங்களும் உதவி செய்து தீயை அணைத்தோம். மற்றவர்கள் அவனை மடக்கி பிடித்து கொண்டனர்.

நாங்கள் உயிர் பிழைப்போம் என்று நினைத்து பார்க்கவே இல்லை. அதிர்ஷ்டவசமாக தப்பிவிட்டோம்.

இவ்வாறு அவர் கூறினார்.

மோகன்பாபு பள்ளி சூறையாடப்பட்டது: ரூ.2 கோடியில் உருவாக்கப்பட்ட சினிமா “செட்” தீ வைத்து எரிப்பு; தெலுங்கானா போராட்டக்காரர்கள் ஆவேசம்

ஐதராபாத்தில் உள்ள விகராபாத்தில் சினிமா படப்பிடிப்பு அரங்கு எரிக்கப்பட்டது பெரும் பரபரப்பை ஏற்படுத்தி உள்ளது.பிரபல தெலுங்கு நடிகர் கிருஷ்ணாவின் மகன் மகேஷ்பாபு நடிக்கும் “கிலாடி” என்ற படம் பிரமாண்டமாக தயாரிக்கப்பட்டு வருகிறது. இந்த படத்தில் மகேஷ் பாபுவுக்கு ஜோடியாக அனுஷ்கா நடிக்கிறார்.

இந்த படத்துக்காக விகாரபாத்தில் ரூ.2 கோடி செலவில் ராஜஸ்தான் மாநில கிராமிய சூழ்நிலையை பிரதிபலிக்கும் செட் போடப்பட்டிருந்தது. கடந்த ஒரு மாதமாக நூற்றுக்கணக்கான தொழிலாளர்கள் அரும்பாடுபட்டு அந்த கிராமிய அரங்கை உருவாக்கி இருந்தனர்.

நேற்று காலை படப்பிடிப்பு தொடங்கும் முன்பு தெலுங்கானா ஆதரவு போராட்டக்காரர்கள் சிலர் அங்கு வந்தனர். மண்எண்ணை ஊற்றி படப்பிடிப்பு அரங்குக்கு தீ வைத்தனர். இதில் ரூ.2 கோடி செட் முழுமையாக எரிந்து நாசமானது.

படப்பிடிப்பு அரங்குக்குள் நிறுத்தப்பட்டிருந்த குவாலிஸ், லாரி, கார்களும் எரிந்து சேதமடைந்தது.

இதற்கிடையே நடிகர் மோகன்பாபுவின் பள்ளிக்கூடம் ஒன்றையும் போராட்டக்காரர்கள் அடித்து சூறையாடினார்கள். இந்த சம்பவங்கள் குறித்து போலீசார் வழக்குப்பதிவு செய்து விசாரணை நடத்தி வருகிறார்கள்.

தெலுங்கானா போராட்டக்காரர்களால் சினிமா தியேட்டர்கள், படப்பிடிப்பு அரங்குகள் தீ வைத்து எரிக்கப்பட்டதற்கு ஆந்திரா பிலிம் சேம்பர் கடும் கண்டனம் தெரிவித்துள்ளது.

இது தொடர்பாக பிலிம் சேம்பர் வெளியிட்டுள்ள அறிக்கையில், சினிமா தொழில் எந்த அரசியல் கட்சி யையும் சேராதது. லட்சக்கணக்கானவர்கள் சினிமா தொழிலில் உள்ளனர். எனவே இனியும் திரை உலகம் மீது தாக்குதல் நடத் தப்படுவதை அரசு தடுத்து நிறுத்த வேண்டும் என்று கூறப்பட்டுள்ளது.

ஆபாசமாக பேசினால் அபராதம் ரஷ்யாவில் புதிய சட்டம் அமல்

பொது இடங்களில் மொபைல் போனிலோ, நேரிலோ யாரையாவது ஆபாசமாகவோ, அருவருப்பாகவோ திட்டினால் அபராதம் வசூலிக்க வகை செய்யும் சட்டம் ரஷ்யாவில் அறிமுகப்படுத்தப்பட்டுள்ளது.கோபத்தால் சிலரை வாய்க்கு வந்த படி திட்டுவது, ஆபாசமாக பேசுவது போன்றவை காலம் காலமாக நடக்கிறது. உலகம் முழுவதும் இந்த பிரச்னை பொதுவாக காணப்படுகிறது.


இந்த பிரச்னைக்கு முடிவு கட்ட ரஷ்ய அரசு புதிய சட்ட மசோதாவை அறிமுகப் படுத்தியுள்ளது.ரஷ்ய பார்லிமென்ட்டின் மேல் சபையில் இந்த சட்ட மசோதா கடந்த வாரம் அறிமுகப்படுத்தப் பட்டது. இதற்கு அனைத்து உறுப்பினர்களும் ஆதரவு தெரிவித்துள்ளனர்.பொது இடங்களில் ஆபாசமாக பேசினால் அபராதம் விதிக்கும் திட்டம் கடந்த 2005ம் ஆண்டு ரஷ்யாவில் உள்ள பெல்கோராட் மாகாணத்தில் அறிமுகப்படுத்தப் பட்டது.


கடுமையான அபராதத்தால் இந்த மாகாண மக்கள் கெட்ட வார்த்தைகளை அடியோடு மறந்து போய் விட்டனர். இந்த திட்டம் நல்ல பலனை கொடுத்ததால், நாடு முழுவதும் இந்த சட்டத்தை அமல்படுத்த முடிவு செய்யப்பட்டுள்ளது.பொது இடங்களில் ஒரு நபர் உபயோகிக்கும் வார்த்தையின் ஆபாசம் அல்லது கொடூர தன்மைக்கு ஏற்ப 800 ரூபாய் முதல் இரண்டாயிரம் ரூபாய் அபராதம் விதிக்க, இந்த புதிய சட்டம் வழி வகுக்கிறது.


முதல் கட்டமாக ஆபாச வார்த்தைகள் என்னென்ன என்ற பட்டியலிடப்பட்டு இந்த வார்த்தைகளையெல்லாம் உபயோகிக்கக்கூடாது. ஆபாச வார்த்தை அல்லது கொடூரமான சொற்களை பயன்படுத்த தோன்றும் போது அதற்கு பதிலாக "மன்னித்து விடுங்கள்' என்னை தொல்லை செய்யாதீர்கள்' போன்ற வார்த்தைகளை பேசுங்கள், என கல்லூரிகளில் விழிப்புணர்வு பிரசாரம் செய்யப் பட்டு வருகிறது.இந்தியாவில் இதுபோன்ற சட்டம் கொண்டு வந்தால், பலர் தங்கள் மாத சம்பளத்தை அபராதத்தி லேயே இழக்க வேண்டியிருக்கும்.

2012 விபரீதம் கட்டுக்கதை

வரும் 2012ம் ஆண்டில் உலகம் அழிந்து விடுமா? இப்படி ஒரு சினிமா வெளிவந்ததை அடுத்து ஏற்பட்ட சந்தேகங்களுக்கு இந்திய விஞ்ஞானிகள் முற்றுப்புள்ளி வைத்துள்ளனர்.சமீபத்தில், "2012 - தி எண்ட் ஆப் தி வேர்ல்டு' என்ற ஹாலிவுட் படம் வெளியானது. தமிழ், கன்னடம் உட்பட பல மாநில மொழிகளிலும் மொழி மாற்றம் செய்யப்பட்டும் வெளியிடப்பட்டது. பெரும் வரவேற்பை பெற்ற இந்த படத்தில், உலகம் அழிவது போல காட்சிகள் காட்டப்பட்டுள்ளன.


இதை இளைஞர்கள் பலரும் நம்பி பீதி அடைந் தனர். அறிவியல் நிபுணர்கள் இது தொடர்பாக, விழிப்புணர்வை ஏற்படுத்த கருத்தரங்குகளும் நடத்தி வருகின்றனர். பெங்களூரு நகரில் உள்ள "ப்ரேக்த்ரூ சயின்ஸ் சொசைட்டி' என்ற ஆராய்ச்சி அமைப்பின் விஞ்ஞானிகள், இது தொடர்பாக அறிக்கை வெளியிட்டுள்ளனர்."பூமி மீது விண்கல் மோதுவதாகவும், பூமியின் மின்காந்த சக்தி இழந்து போய், அழிவதாகவும் சொல்வதெல்லாம் கட்டுக்கதை. எதிர்கால கணிப்பாளர்களின் கருத்துக்களை சுட்டிக்காட்டி, உலகம் 2012 ல் அழிந்து விடும் என்று "மாயன்' காலண்டர் தெரிவிப்பதும் கட்டுக்கதையே.சூரியன் அதிக வெப்பமாகி, பல சுனாமிகள், பூகம்பங்கள் வருவதாக சந்தேகிப்பதும் கட்டுக் கதை' என்று கூறியுள்ளனர். மக்களிடம் இதுதொடர் பாக விழிப்புணர்வை ஏற்படுத்த, வரும் ஜனவரி மாதம் 10ம் தேதி விழிப்புணர்வு நிகழ்ச்சிக்கும் இந்த அமைப்பு ஏற்பாடு செய்துள்ளது.

கவர்னருக்கு ஒரு மாதம் பெண் சப்ளை செய்தேன்: சி.டி. கொடுத்த பெண் தகவல்

ஆந்திர கவர்னர் என்.டி.திவாரிக்கு விபசார பெண்களை சப்ளை செய்தவர் ராதிகா என்ற காண்டிராக்டர். இவர்தான் என்.டி. திவாரி அழகிகளுடன் இருக்கும் செக்ஸ் காட்சிகளை ரகசிய காமிராவில் படம் பிடித்தார். பிறகு அதை சி.டி.யில் பதிவு செய்து தொலைக்காட்சி சானலுக்கும் கொடுத்தார்

ராதிகா, தொலைக்காட்சியின் மூத்த அதிகாரி ஒருவரிடம் கூறுகையில், நான் கடந்த ஒரு மாதமாக ஆந்திர கவர்னர் மாளிகைக்கு பெண்களை அனுப்பி வந்தேன். இந்த சி.டி.யில் பதிவான செக்ஸ் காட்சிகள் சமீபத்தில் எடுக்கப்பட்டது என்றார். அவர் சொன்னதை விசாரித்து உறுதி செய்த பிறகே என்.டி.திவாரி செக்ஸ் லீலையில் ஈடுபட்ட காட்சிகளை ஒளிபரப்ப முடிவு எடுத்ததாக ஏ.பி.என். சானல் அறிவித்துள்ளது.

மனு கொடுக்க வந்த பிரபல நடிகை-பெண்களை கவர்னர் கட்டி அணைத்தார்; விபசார பெண்கள் பரபரப்பு தகவல்

ந்திர கவர்னர் என்.டி. திவாரி இளம் பெண்களுடன் உல்லாசமாக இருப்பது போன்ற படக்காட்சிகள் தனியார் டி.வி.யில் ஒளிபரப்பப்பட்டது. இக்காட்சி நாடு முழுவதிலும் பெரும் பரபரப்பை ஏற்படுத்தி உள்ளது. இந்நிலையில் ராதிகா என்ற புரோக்கர் மூலம் கவர்னர் மாளிகைக்கு சென்ற விபசார பெண்கள் ஆந்திர பத்திரிகை ஒன்றுக்கு பேட்டி அளித்துள்ளனர். அதில் கூறி இருப்பதாவது:-

ஆந்திர கவர்னர் என்.டி. திவாரிக்கு இளம் பெண்கள் மீது மோகம் அதிகம். அவரது ஆசையை தீர்ப்பதற்காக எங்களை ராதிகா என்பவர் கவர்னர் மாளிகைக்கு அழைத்துச் செல்வார்.

எங்களை கவர்னர் முதல் மாடியில் தங்க வைத்திருந்தார். அப்போது நாங்கள் மேல் தளத்தில் இருந்தபடியே கீழ் தளத்தில் நடப்பதை வேடிக்கை பார்ப்போம்.

அவரிடம் முன்னாள் முதல்வர் சந்திரபாபுநாயுடு, நடிகர் சிரஞ்சீவி போன்றோர் மனு கொடுத்ததை பார்த்துள்ளோம்.

ஒரு நாள் பிரபல ஸ்டன்ட் நடிகை ஒருவர் திவாரியிடம் மனு கொடுக்க வந்திருந்தார். அப்போது மனுவை வாங்கிய கவர்னர் திடீரென அவரை கட்டிப்பிடித்து முத்தம் கொடுத்தார். இதை சற்றும் எதிர்பாராத நடிகை வெலவெலத்துப்போனார்.

இதே போல் கவர்னர் தன்னிடம் மனு கொடுக்க வரும் அழகான பெண்களை கட்டி அணைத்துக் கொள்வார். அந்த பெண்கள் அவர் வயதானவர் என்பதால் இச்செயலை பெரிதாக எடுத்துக் கொள்வதில்லை.

ஆனால் எங்களுக்குத்தான் அவரது உண்மையான சுயரூபம் தெரியும்.

எங்களை கவர்னருக்கு அனுப்பும் ராதிகா நிறைய காரியங்களை சாதித்து வந்தார்.

இவ்வாறு அவர்கள் கூறினார்கள்.

செக்ஸ் புகாரில் சிக்கிய ஆந்திர கவர்னர் திவாரி நீக்கம்: மத்திய அரசு இன்று முடிவு

ஆந்திராவில் தெலுங்கானா பிரச்சினை தீபற்றி எரிந்து கொண்டிக்கும் நிலையில், அம்மாநில கவர்னர் என்.டி.திவாரி மீது “செக்ஸ்” குற்றச்சாட்டு எழுந்து பெரும் பரபரப்பு ஏற்பட்டுள்ளது. காங்கிரஸ் கட்சி மூத்த தலைவர்களில் ஒருவரான என்.டி.திவாரி (வயது86) 1980, 90களில் இந்திய அரசியலின் உச்சத்தில் இருந்தார். ராஜிவ்காந்தி படுகொலைக்கு பிறகு 1991ல் இவர் தான் பிரதமராவார் என்று எதிர்பார்க்கப்பட்டது. அப்போது நடந்த தேர்தலில் 800 ஒட்டுகளில் தோல்வி அடைந்ததால் அவரால் அந்த உயரிய பதவிக்கு வர முடியாமல் போனது.

இந்திய அரசியல் தலைவர்களில் 2மாநிலங்களில் முதல்வராக இருந்த ஒரே நபர் என்ற சிறப்பும் இவருக்கு உண்டு. 1976முதல் 1989 வரை உத்தரபிரதேச முதல்வராக 3தடவையும், உத்தரபிரதேசத்தில் இருந்து உத்தரகாண்ட் மாநிலம் உருவாக்கப்பட்ட போது அம்மாநில முதல்வராக 2002 முதல் 2007 வரை இருந்தார். ராஜீவ் மந்திரிசபையில் நிதி, வர்த்தகம், வெளி யுறவுத்துறை என பல முக்கிய பொறுப்புகளையும் வகித்தார்.

கடந்த ஆண்டு அவர் ஆந்திரா கவர்னராக நியமிக்கப்பட்டார். வயதாகி விட்டதால் அவரால் சுறுசுறுப்பாக செயல்பட முடியவில்லை என்று பலரும் புகார் கூறினார்கள் என்றாலும் காங்கிரஸ் மேலிடத்தலைவர்கள் அதை கண்டு கொள்ளாமல் இருந்தனர்.

ரோகித் சர்மா என்ற வாலிபர் என் தந்தை என்.டி.திவாரி என்று கூறி சில ஆண்டுகளுக்கு முன்பு பரபரப்பு ஏற்படுத்தினார். அவர் தொடர்ந்த வழக்கை டெல்லி கோர்ட்டு சமீபத்தில் தள்ளுபடி செய்தது. இதனால் அவர் நிம்மதி பெருமூச்சு விட்டார்.

இந்த நிலையில் ஆந்திரஜோதி ஏபிஎன் தொலைக் காட்சி சானல் நேற்று கவர்னர் என்.டி.திவாரி போன்ற தோற்றம் உடைய ஒருவர் 3பெண்களுடன் செக்ஸ் சல்லாபத்தில் ஈடுபட்டுள்ள காட்சிகளை ஒளிபரப்பியது.என்.டி.திவாரி மாதிரி இருப்பவர் படுத்து இருப்பது போலவும், அவர் அருகில் 3பெண்கள் நிர்வாணமாக இருப்பது போலவும் காட்சிகள் இருந்தன. அதில் 2பெண்களுக்கு 20வயதுக்குள் தான் இருக்கும்.

ஒரு பெண் அவர் மீது படுத்து இருப்பது போல காட்சி இடம் பெற்றிருந்தது.

ஏபிஎன்-ஆந்திர ஜோதி தொலைக்காட்சி சானல் அந்த செக்ஸ் காட்சிகளை நேற்று காலை 10மணி முதல் பல தடவை மீண்டும், மீண்டும் ஒளிபரப்பியது. அதோடு அந்த பெண்கள் யார் என்ற தகவல்களையும் வெளியிட்டது. என்.டி. திவாரியின் சொந்த மாநிலமான உத்தரகாண்ட் மாநிலத்தை சேர்ந்த ராதிகா என்ற பெண் காண்டிராக்டர் ஆந்திராவில் சில கனிம சுரங்கங்களை குத்தகைக்கு எடுக்க கவர்னரின் தயவை நாடி, இந்த 3பெண்களையும் செக்ஸ் உல்லாசத்துக்கு அனுப்பியதாக அந்த தொலைக்காட்சி கூறியது.

அது மட்டுமின்றி கவர்னர் மாளிகை உயர் அதிகாரிகள், எம்.பி.க்கள், எம்.எல்.ஏ.க்களுக்கும் ராதிகா, விபசார பெண்களை சப்ளை செய்துள்ளதாக கூறப்படுகிறது. கவர்னர் என்.டி.திவாரி செக்ஸ் அனுபவித்து விட்டு, கனிம சுரங்கம் குத்தகை பெற உதவிகள் செய்யாததால், இந்த காட்சிகளை ராதிகாவே வெளியிட்டு அம்பலப்படுத்தி இருப்பதாக ஆந்திரா தொலைக்காட்சி கூறியுள்ளது. இந்த தகவல்களை கேட்டதும் ஆந்திர மக்களும், அரசியல் தலைவர்களும் அதிர்ச்சியில் உறைந்து போனார்கள்.

கவர்னரா இப்படி? என்ற கொந்தளிப்பும் மக்களிடையே ஏற்பட்டது. பெண்கள் அமைப்பை சேர்ந்தவர்கள் கவர்னர் மாளிகையை முற்றுகையிட்டு போராட்டம் நடத்தினார்கள்.

என்.டி.திவாரி மீது எழுந்துள்ள செக்ஸ் குற்றச்சாட்டுக்கள் காங்கிரஸ் மேலிட தலைவர்களை கடும் தர்மசங்கடத்தில் ஆழ்த்தியுள்ளது. ஏற்கனவே ஒரு தடவை என்.டி.திவாரி செக்ஸ் குற்றச்சாட்டில் ஈடுபட்டு மீண்டவர் என்பதால், அவர் மீது காங்கிரஸ் மேலிடத் தலைவர்கள் எல்லாருமே சந்தேக கண்கொண்டு தான் பார்க்கிறார்கள். எனவே கவர்னர் பதவியில் இருந்து உடனடியாக அவரை நீக்க வேண்டும் என்று காங்கிரஸ் மூத்த தலைவர்கள் சோனியாவை வற்புறுத்தி வருகிறார்கள்.

இந்த நிலையில் ஆந்திர மாநில அரசியல் கட்சித் தலைவர்கள் அனைவரும், என்.டி.திவாரியை மாற்றுங்கள் என்று குரல் எழுப்பியுள்ளனர். தெலுங்கு தேசம் கட்சித்தலைவர் சந்திரபாபுநாயுடு, பிரஜா ராஜ்ஜியம் கட்சித்தலைவர் சிரஞ்சீவி மற்றும் இடதுசாரி கட்சித்தலைவர்கள் திவாரியை உடனடியாக ஆந்திராவில் இருந்து வெளியேற்ற வேண்டும் என்று கோரிக்கை விடுத்துள்ளனர்.

ஆந்திர மாநில காங்கிரஸ் தலைவர்களும் டெல்லி தலைவர்களுக்கு நெருக்கடி கொடுத்து வருகிறார்கள். என்.டி.திவாரியை ராஜினாமா செய்யச் சொல்லுங்கள் என்று வற்புறுத்தியுள்ளனர். இதையடுத்து என்.டி.திவாரியை கவர்னர் பதவியில் இருந்து விலக்க சோனியா முடிவு செய்துள்ளார்.

என்.டி.திவாரி நீக்கப்படுவது இன்று அதிகாரப் பூர்வமாக அறிவிக்கப்படும் என்று எதிர்பார்க்கப்படுகிறது. திவாரியை நீக்காவிட்டால் காங்கிரஸ் கட்சிக்கு மக்க ளிடம் உள்ள நல்ல பெயருக்கு இழுக்கு ஏற்படும் என்று எச்சரிக்கப்பட்டுள்ளதால் காங்கிரஸ் அதிரடி நடவடிக்கையில் ஈடுபட்டுள்ளது.

என்.டி.திவாரி மீது சோனியா ஏற்கனவே பல சந்தர்ப்பங்களில் அதிருப்தியுடன் தான் உள்ளார். மத்திய மந்திரியாக அங்கம் வகித்தபோது பல பிரச்சினைகளில் இவர் குடைச்சல் கொடுப்பவராக இருந்தார். வயதான பிறகு இவர் கவர்னர் பதவி வேண்டும் என்று கறாராக கேட்டபோதும், காங்கிரஸ் மூத்ததலைவர்கள் எரிச்சல் அடைந்தனர்.

ஆனால் கவர்னர் பதவியில் அவர் எதிர் பார்த்த அளவுக்கு திறம்பட செயல்படவில்லை. ராஜசேகரரெட்டி ஹெலிகாப்டர் விபத்தில் சிக்கி உயிரிழந்த பிறகு, அவரது மகன் ஜெகன்மோகன் ரெட்டி ஆதரவாளர்கள் அரசியல் குழப்பத்தை ஏற்படுத்திய போது, அந்த சூழ்நிலையை என்.டி.திவாரி சுமூகமாக கையாளவில்லை. அதுபற்றி அவர் கண்டு கொள்ளவே இல்லை.

அதுபோல தெலுங்கானா பிரச்சினை வெடித்து ஆந்திராவே அல்லோகலப்பட்டுக் கொண்டிக்கும் நிலையில், அதை தீர்த்து அமைதி ஏற்படுத்த அவர் சிறு நடவடிக்கைகளிலும் ஈடுபடவில்லை. இது காங்கிரஸ் மேலிட தலைவர்களிடம் கடும் கோபத்தை ஏற்படுத்தியது.

இந்த நிலையில் என்.டி. திவாரி மீது செக்ஸ் குற்றச்சாட்டு எழுந்துள்ளதால், ஒட்டு மொத்தமாக எல்லாரது வெறுப்பும், கோபமும் அவர் மீது ஏற்பட்டுள்ளது.

புதிய நூல்

விலை: ரூ. 20

வெளியீடு: பூம்புகார் பதிப்பகம், 63, பிரகாசம் சாலை(பிராட்வே), சென்னை - 600 018. தொலைபேசி: 044-25267543.

சீனாவிலிருந்து இறக்குமதியான பூச்சிக்கொல்லி மருந்து

வேதிப்பொருள் என்ற போர்வையில் சீனாவிலிருந்து இந்தியாவுக்கு இறக்குமதி செய்யப்பட்ட சுற்றுச்சூழல் பாதிப்பை ஏற்படுத்தும் 3.5 கோடி ரூபாய் மதிப்பிலான பூச்சிக் கொல்லி மருந்துகளை சுங்கத்துறையினர் பறிமுதல் செய்தனர். ஒருவர் கைது செய்யப்பட்டார்.இந்திய பொருளாதாரத்தை சீர்குலைக்கும் வகையில், சீனா பல்வேறு முயற்சிகளை மேற்கொண்டு வருகிறது.


உடலுக்கு தீங்கு விளைவிக்கும் சோப்பு, ஷாம்புகள், வாசனை திரவியங்கள், சாக்லெட்டுகளை அடுத்தடுத்து அனுப்பிய சீனா தற்போது தரமற்ற, சுற்றுச்சூழல் பாதிப்பை ஏற்படுத்தும் வகையில் பூச்சிக்கொல்லி மருந்துகளை இந்தியாவுக்கு அனுப்பியுள்ளது. சீனாவிலிருந்து "வேதிப்பொருள்' என்ற பெயரில் ஆறு கன்டெய்னர்கள் சென்னைக்கு இறக்குமதியானது.


சந்தேகத்தின் பேரில், சுங்கத்துறை கமிஷனர் ராஜன் மற்றும் அதிகாரிகள் கன்டெய்னர் களை ஆய்வு செய்தனர்.பயிர்களின் வளர்ச்சியை பாதிக்கும் வகையிலும், சுற்றுச்சூழல் சீர்கேட்டை ஏற்படுத்தும் வகையிலும் தயாரிக்கப்பட்ட பூச்சிக் கொல்லி மருந்துகள் இருந்தன.வேதிப்பொருள் என்ற போர்வையில் மோசடியாக சீனாவிலிருந்து சென்னைக்கு இறக்குமதி செய்யப்பட்டுள்ளது தெரிய வந்தது.


இதையடுத்து, 3.5 கோடி ரூபாய் மதிப்பிலான திரவம் மற்றும் பவுடர் வடிவிலான 72 டன் பூச்சிக் கொல்லி மருந்துகள் பறிமுதல் செய்யப்பட்டுள்ளன.இதுகுறித்து, சுங்கத்துறை கமிஷனர் ராஜன் கூறுகையில்,"வேதிப் பொருள் என்ற பெயரில் பூச்சிக்கொல்லி இறக்குமதி செய்ததன் மூலம் 12 லட்ச ரூபாய் வரி ஏய்ப்பும் நடந்துள்ளது.இது தொடர்பாக இரண்டு சுங்கத்துறை முகவர்களின் உரிமத்தை ரத்து செய்துள்ளோம். சென்னை, மதுரை, கோவில்பட்டியைச் சேர்ந்த ஏழு இறக்குமதி நிறுவனங்கள் மீது வழக்கு பதிவு செய்யப்பட்டுள்ளது. சன்செய் அகர்வால் (46) என்பவரை கைது செய்து விசாரித்து வருகிறோம்,"என்றார்.

இனிமேல் தமிழ்தான் என் குறிக்கோள் - காஜல்

இதுவரை நான் ‌தெலுங்கு உள்ளிட்ட மொழிகளில் பிஸியாக இருந்ததால் தமிழில் கவனம் செலுத்தவில்லை. இனி எனது கவனம் முழுதும் தமிழில் இருக்கும் என்று கூறியிருக்கிறார். நடிகை காஜல் அகர்வால். அவரது நடிப்பில் தெலுங்கில் வெளியான மகாதீரா படம் சூப்பர் டூப்பர் ஹிட் ஆன மகிழ்ச்சியில் இருக்கும் காஜல், தற்போது தமிழில் கார்த்தியுடன் நான் மகான் அல்ல படத்தில் நடித்து வருகிறார். வெண்ணிலா கபடிக் குழு சுசீந்திரன் இயக்கும் இந்த படம் தனக்கு தமிழில் பெயர் சொல்லும்படியான இடத்தை பிடித்து தரும் என்று சொல்லும் காஜல், கதையின் மீதான் நம்பிக்கையில் இப்படி சொல்வதாகவும் கூறியிருக்கிறார். தமிழில் பிரேக் கொடுக்கும் அளவுக்கு இதுவரை கவனம் செலுத்தியதில்லை. இனி என் கவனம் முழுதும் தமிழ் சினிமாவிலேயே இருக்கும் என்றும் கூறுகிறார் காஜல்.

பக்கிங்காம் அரண்மனை கிறிஸ்துமஸ் முதல் மூடப்படும்

இங்கிலாந்து தலைநகர் லண்டனில் பக்கிங்காம் அரண்மனை உள்ளது. இங்கு அரச குடும்பத்தினர் தங்கி யுள்ளனர். பொதுவாக கிறிஸ்துமஸ் பண்டிகை உள்ளிட்ட நாட்களில் இந்த அரண்மனை பொதுமக்கள் பார்வைக்காக திறக்கப்படும். ஆனால், இந்த ஆண்டு அரண்மனையை மூட ராணி எலிசபெத் முடிவு செய்துள் ளார். அரண்மனையில் உள்ள கட்டிடங்கள் இடியும் நிலையில் இருப்பதாக கூறப்படுகிறது.

சமீப காலமாக சுவர்களில் பதிக்கப்பட்டுள்ள வேலைப்பாடு மிகுந்த கற்கள் விழுந்தன. அதில் சிக்கி பாதுகாப்பு பணியில் ஈடுபட்ட போலீசார் காயம் அடைந்தனர்.

அதே போன்று இளவரசி ஆன்னி சென்ற கார் மீது கட்டிடத்தின் கற்கள் விழுந்தன. வேகமாக சென்று விட்டதால் அவைகள் மீது விழவில்லை. மேலும், தரையில் கீறல்கள் இருப்பதால் நடப்பதற்கு கூட அரண் மனை ஊழியர்கள் அவதிப்படுகின்றனர்.

எனவே, பொதுமக்கள் பார்வைக்கு திறப்பதில்லை என ராணி எலிசபெத் முடிவு செய்துள்ளார். இது குறித்து அவர் அரண்மனை அதிகாரிகளுடன் ஆலோசனை நடத்தி வருகிறார்.

மேலும் அரண்மனை மராமத்து பணிக்காக ரூ.320 கோடி ஒதுக்கும்படி அரசிடம் கோரிக்கை விடப்பட்டுள்ளது.

பருந்து படை ?

ராமநாதபுரத்தில் தொடங்கப்பட்ட "பருந்து' படையினரால், மீனவர்களுக்கே பாதுகாப்பு இல்லாத நிலையில், சீனாவின் அச்சுறுத்தலிருந்து இந்தியாவுக்கு பாதுகாப்பு கிடைக்குமா என்ற சந்தேகம் எழுந்துள்ளது. இந்தியாவை சுற்றிலும் 7500 கி.மீ., சுற்றளவு கொண்ட கடல் பரப்பு உள்ளது. கடல்வழியாக ஊடுருவல் அதிகரித்து வரும் நிலையில், கடலோர பகுதிகளில், கடற்படையை வலுப்படுத்த முடிவு செய்யப்பட்டது.


இதற்காக 20 ஆயிரம் கோடி ரூபாய் ஒதுக்கப்பட்டது. அந்த வகையில், பதட்டத்துக்குரிய ராமநாதபுரத்தில் கடற்படை சார்பில், மார்ச் 26ல் "பருந்து' என்ற பெயரில் கடற்படை விமானதளம் அமைக்கப்பட்டது. "கமாண்டோ அதிகாரி ராஜ்குமார் தலைமையிலான இப்படை மூலம் தென்னிந்தியாவின் பாதுகாப்பு வலுப்படும், புலிகளின் ஊடுருவல் தடுக்கப்படும்,' என, கருதப்பட்டது. இப்படை அறிமுகப்படுத்தப்பட்ட சில மாதங்களிலேயே, இலங்கையில் புலிகள் அமைப்பு கூண்டோடு அழிந்தது.


அதன்பின், பெரிய அளவில் ஊடுருவல் இருக்காது என்ற ரீதியில், இந்திய கடற்பகுதியில் பாதுகாப்பு பணிகள் தொய்வடைந்தது. இதை நன்றாக பயன்படுத்தி இலங்கை, சீனாவை கச்சத்தீவு வரை கால்பதிக்க வைத்தது. அதன் பின் இப்படையினரால், உள்ளூர் மீனவர்களுக்கு ஏற்படும் பிரச்னைகளுக்கும் உதவியில்லை. போதிய உபகரணங்கள், தேவைக்கும் அதிகமான வீரர்கள் இருந்தும், தமிழக மீனவர்கள் நாள் தோறும் தாக்கப்படுகின்றனர்.


இவர்களுக்கு தான் என்று பார்த்தால், படையினரின் சோகம், அதை விட மோசமாக உள்ளது. இந்திய கடற்படை வீரர்களை, இலங்கை மீனவர்கள் கடத்திய சம்பவம் இதற்கு நல்ல உதாரணம். இந்நிலைக்காகவா இத்தனை கோடி ரூபாயை இந்திய அரசு செலவு செய்தது? கோடிகளை கொட்டி படைகளை அமைப்பது பெரிதல்ல, அவற்றை பயன்படுத்த தவறினால் விளைவுகளை விலைகொடுத்து வாங்க நேரிடும் என்பதை மத்திய அரசு சிந்திக்க வேண்டும். சுற்றிவரும் அச்சுறுத்தலை சமாளிக்க "பருந்து" பறக்க வேண்டியது அவசியமாகிறது.

ஆசிர்வதிக்கும் போப் ஆண்டவர்

ரூ.12 ஆயிரம் கோடி கடன்

பன்னாட்டு நிதியத்தில் பாகிஸ்தான் கடன் கேட்டு இருந்தது. பாகிஸ்தானின் நிதி நிலைமை மோசமாக இருந்ததால் உடனடியாக கடன் கொடுக்க பன்னாட்டு நிதியம் தயக்கம் காட்டியது.

இப்போது பன்னாட்டு நிதியம் பாகிஸ்தானில் அங்குள்ள பொருளாதார நிலை குறித்து ஆய்வு நடத்தியது.

ஆய்வுக்கு பின் ரூ.12 ஆயிரம் கோடி கடன் வழங்க பன்னாட்டு நிதியம் ஒப்புதல் அளித்துள்ளது.

புகழ் பெற என்ன வேண்டுமானாலும் செய்யத் தயாராக இருந்தேன். -சுஷ்மிதா சென்

வயதும், அனுபவமும் ஒருவரை பக்குவப்படுத்திவிடும் என்பதற்கு எடுத்துக்காட்டு இந்தி நடிகை சுஷ்மிதா சென்.

" நீண்ட நாட்களாக, நீங்கள் அமைதியாக இருப்பதன் காரணத்தை தெரிந்து கொள்ளலாமா?"

"அமைதியாக இருக்க வேண்டும் என்று முடிவு செய்யவில்லை. பேசுவதற்கான நேரம் இல்லை என்பது தான் உண்மை. அடுத்தடுத்த படங்களுக்கான வேலைகளில் மும்முரமாக இருப்பதால் அதில் பிசியாக இருக்கிறேன். எத்தனையோ வெற்றிகளையும், நிறைய தோல்விகளையும் சந்தித்து விட்டேன். என்னுடைய கேரக்டர்களில் முக்கியத்துவம் இருந்தால் மட்டுமே நடிக்க ஒத்துக் கொள்கிறேன். என்னுடைய வாழ்க்கையை மறுசீரமைக்கும் பணியில் ஈடுபட்டுள்ளேன். அதனால் அமைதியாக வாழ்கிறேன்."

"மறுசீரமைப்பு என்பது உங்களுடைய தனிப்பட்ட வாழ்க்கையிலா... அல்லது சினிமாவிலா..?"

"தனிப்பட்ட வாழ்க்கையில் மறுசீரமைப்பு அவசியம் என உணர்கிறேன். 30 வயதை கடக்கும் பருவம் அருமையானது. அதை நான் அனுபவித்துக் கொண்டிருக்கிறேன். என்னுடைய மகளுக்கான தேவைகளை பூர்த்தி செய்வதில் மிகவும் மகிழ்ச்சி அடைகிறேன். இந்த நேரத்தில் என்னுடைய பெற்றோருக்கு நன்றி சொல்ல கடமைப்பட்டிருக்கிறேன். ஏனென்றால், நான் தேர்ந்தெடுத்த தொழிலில், தனிப்பட்ட வாழ்க்கையில் எனது கருத்துக்கு ஆதரவாக இருந்து செயல்படுகின்றனர். இப்போது எனது மகள் வளர்ந்து விட்டதால் அவளுக்கான விருப்பம், தேவைகளில் கவனம் செலுத்துகிறேன். வெளிப்புற படப்பிடிப்புக்கு சென்றாலும், சீக்கிரமாக வீட்டுக்கு திரும்பி விடுகிறேன். அப்படி முடியாத பட்சத்தில் அவளிடம் அடிக்கடி போனில் பேசிக் கொள்கிறேன்."

"நடிகர் கமலுடன் மர்மயோகி படத்தில் நடிப்பதாக இருந்ததே... என்னாச்சு?"

"தற்போதைக்கு அந்தப் படத்திற்கான வேலைகள் நிறுத்தப்பட்டுள்ளன. அவர் எப்போது அந்த படத்தை எடுத்தாலும் நான் நடிக்கத் தயார்."

" உங்கள் தனிப்பட்ட வாழ்க்கை தொடர்பான கேள்விகளுக்கு நீங்கள் தெளிவாக பதில் அளிப்பதில்லையே... ஏன்?"

"அப்படியெல்லாம் ஒன்றுமில்லை. எனது தனிப்பட்ட வாழ்க்கையைப் பற்றி கேள்வி எழுப்ப ஓர் எல்லை உண்டு. அதைத் தாண்டினால் பதில் கூற மாட்டேன்."

" பிரபல இயக்குனர் கரண் ஜோகர், `சினிமாவில் இருப்பவர்கள் டேட்டிங் செல்வதில் தப்பில்லை' என்கிறார். இதை நீங்கள் ஒத்துக் கொள்கிறீர்களா?"

"அப்படியெல்லாம் சினிமாத் துறையில் எல்லோரும் டேட்டிங் செல்ல மாட்டார்கள். மேலும் டேட்டிங் செல்வது அவரவர் தனிப்பட்ட விருப்பம். எனக்கு டேட்டிங் நண்பர்கள் யாரும் இல்லை."

" திருமணம் செய்யாமல் முப்பது வயதை கடந்து விட்டீர்களே... தனியாகவே வாழ்வது என்று முடிவெடுத்து விட்டீர்களா?"

"இந்த உலகில் நான் மட்டும் தனியாக வாழவில்லை. நான் யாரையும் சார்ந்திருக்கவில்லை. ஆனால் எனது பெற்றோர் மற்றும் மகளுடன் வசித்து வருகிறேன்.

"அப்படியென்றால் ஆண் துணை அவசியமில்லை என்கிறீர்களா?"

"அப்படி சொல்லவில்லை... என்னைப் பொறுத்தவரை ஆண்கள் முக்கியம் என்றே நினைக்கிறேன்."

"உங்களுடைய முன்னாள் காதலர்கள் மற்றும் நண்பர்களைப் பற்றி..?"

"என்னுடைய முன்னாள் காதலர்கள் அனைவருமே ஒரே மாதிரி இல்லை. ஒவ்வொருத்தரும் ஒவ்வொரு மாதிரி. அப்படித் தான் நண்பர்களும்..."

"உங்கள் மகளுக்கு சுதந்திரம் கொடுக்கிறீர்களா... அல்லது மிகவும் கண்டிப்பாக நடந்து கொள்கிறீர்களா?"

"மனதளவில் நான் கண்டிப்பானவள். ஆனால் அவளிடம் சுதந்திரமாக நடந்து கொள்கிறேன். அந்த சுதந்திரத்தை எனது மகள் ரெனீ எல்லை மீறாமல் பார்த்துக் கொள்கிறேன். அவளுடன் நல்ல புரிதலை வைத்துள்ளேன்."

"பத்து வயதாகும் உங்களுடைய மகளின், நிறைவேறாத விருப்பம் ஏதாவது உண்டா?"

"இன்றைய பிள்ளைகள் மிகவும் புத்திசாலிகள், உடலளவிலும், மனதளவிலும் வேகமாக வளர்கிறார்கள். எனக்கு 18 வயதில் தெரிந்த விஷயங்களை எல்லாம், அவள் பத்து வயதிலேயே கூறுகிறாள். ஒருநாள் என்னிடம், `இன்றைக்கே... இப்போதே... அப்துல் கலாமை சந்திக்கவேண்டும்' என்று அடம்பிடித்தாள். அதெல்லாம் உடனே முடியாது, மேலும் அவர் முன்னாள் ஜனாதிபதி என்பதால் சந்திப்பது கஷ்டம் என்று கூறினேன். ஆனால் அவளோ கேட்கவில்லை. அவளை சமாதானப் படுத்துவது மிகவும் கஷ்டமாகிவிட்டது."
" சமீபத்தில் உங்களிடம் ஏற்பட்ட மாற்றம்..?"

"விளம்பரம் மற்றும் சினிமாவுக்குள் வந்தபோது, மக்களிடம் புகழ் பெற என்ன வேண்டுமானாலும் செய்யத் தயாராக இருந்தேன். ஆனால் தற்போது மிகவும் பக்குவப்பட்டுள்ளேன். அதேபோல் தொடக்கத்தில் நான் ரொம்ப அழகாக மாறுவதற்கு முயற்சி எடுத்தேன். ஆனால் தற்போது அந்த எண்ணமெல்லாம் இல்லை. பத்து வயதுள்ள மகளுக்கு ஒரு நல்ல தாயாக இருக்க வேண்டும் என்பதே எனது விருப்பமாக உள்ளது!"

- தமிழில் அபர்ணா , சிங்கப்பூர் .

புலிகள், ஒரு பெண் சிங்கம் ஆகியவை இறந்தன

ரஷியாவில் தற்போது கடுமையான குளிர் நிலவு கிறது. இதனால் அங்கு வாழும் மக்கள் மட்டுமின்றி விலங்குகளும் கடும் அவதிப்பட்டு வருகின்றன. சைபீரியாவில் உள்ள ஒரு சர்க்கஸ் நிறுவனம் ஒவ்வொரு நகரமாக சென்று சர்க்கஸ் நடத்தி வருகிறது.

யாகுட்ஸ் என்ற நகரத்துக்கு சென்ற போது கடுமையான குளிர் தாங்காமல் அந்த சர்க்கஸ் கம்பெனிக்கு சொந்தமான 8 புலிகள், ஒரு பெண் சிங்கம் ஆகியவை இறந்தன.

பாகிஸ்தானில் இன்றும் குண்டு வெடித்தது

பாகிஸ்தானின் பெஷாவர் நகரில் தற்கொலைப் படையினர் தாக்குதல் நடத்தியதில் ஐந்து பேர் கொல்லப்பட்டனர்; 25 பேர் படுகாயமடைந்தனர்.பாகிஸ்தானில் குண்டுவெடிப்புகள் தினசரி நிகழ்ச்சியாகி விட்டது. பெஷாவர் நகரில் நேற்று சோதனைச் சாவடி அருகே வந்த வாகனத்தை போலீசார் தடுத்து நிறுத்தினர். வாகனத்தில் இருந்த தற்கொலைப் படை பயங்கரவாதி தன் உடலில் கட்டியிருந்த வெடிகுண்டை வெடிக்கச் செய்ததில் போலீஸ்காரர் உட்பட ஐந்து பேர் உடல் சிதறி பலியாயினர்; 25 பேர் படுகாயமடைந்தனர்.இந்த குண்டுவெடிப்பு சம்பவத்துக்கு இதுவரை எந்த அமைப்பும் பொறுப்பேற்கவில்லை.

பத்திக்குச்சு நாயக நாயகி ?

சக்தி உள்ளிட்ட இரண்டொரு தமிழ் படங்களை இயக்கி இருக்கும் இளம் இயக்குநர் ரகுராஜ். தற்போது தமிழில் இயக்கி வரும் படம் அப்பாவி. முதல், இரண்டு, மூன்று என மூன்று பாகமாக வெளிவரவிருக்கும் அப்பாவி முதல் பாகத்தில் லயோலா கல்லூரி மாணவர் கெளதமும், ஐதராபாத் அழகி சுஹானி இருவரும் நடிக்க, கே.பாக்யராஜூம் முக்கிய பாத்திரத்தில் நடிக்கிறார்.நாயகன் நாயகி இருவருக்கும் இப்பவே பத்திகிட்சாம் .அப்பாவின்னு நினைச்சேன்.அடபாவியா இருப்பான் போலிருக்கே என்று புலமபுகிராறாம் இயக்குனர்.

மும்பையின் பெருமை - போதை பாட்டி

"கணவனின் இறப்பிற்கு பின், குடும்பத்தை காப்பாற்ற தனக்கென ஒரு போதை பொருள் கடத்தல் சாம்ராஜ்ஜியத் தையே 70 வயது மூதாட்டி ஒருவர் உருவாக்கி உள்ளார்" என, போதைப் பொருள் கடத்தல் தடுப்பு பிரிவு அதிகாரிகள் தெரிவித்துள்ளனர். இது குறித்து, போதைப் பொருள் கடத்தல் தடுப்பு பிரிவு அதிகாரிகள் கூறியதாவது:


மகாராஷ்டிர மாநிலம் மும்பையை சேர்ந்தவர் பகவத் சிர்சாகர். இவர் போதைப் பொருள் கடத்தல் தொழிலில் ஈடுபட்டு வந்தார். இவரது சம்பாத்தியத்தில் தான் குடும்பம் நடந்து வந்தது.இந்நிலையில், பத்தாண்டுகளுக்கு முன், நோய் காரணமாக பகவத் சிர்சாகர் உயிரிழந்தார். இதனால், குடும்பத்தை காப்பாற்ற, அதே போதை தொழிலில் ஈடுபட வேண்டிய நிர்பந்தம், அவரது மனைவி கங்குபாய் சிர்சாகருக்கு (70) ஏற்பட்டது.


அவர், இந்த தொழிலில் ஈடுபட்டதும், தனக்கென வாடிக்கையாளர் வட்டாரம் ஒன்றை உருவாக்கி கொண்டார்.போதைப் பொருள் வாங்க மற்றும் விற்பதற்காக, கங்குபாய் பிற மாநிலங்களுக்கு தனியே பயணம் செய்கிறார். மும்பை மற்றும் தானே ஆகிய பகுதிகளே அவரது முக்கிய சந்தையாக திகழ்ந்துள்ளது. இவரை கடந்த சனிக்கிழமையன்று, போதைப் பொருள் தடுப்பு பிரிவு போலீசார், கைது செய்தனர்.


அப்போது அவரிடம் இருந்து, 10 லட்ச ரூபாய் மதிப்புள்ள, 40 கி.கி., போதைப் பொருளை பறிமுதல் செய்தனர்.இதே போன்று போதைப் பொருள் கடத்தலுக்காக, 2005ம் ஆண்டு கைது செய்யப் பட்டு, ஒன்றரை ஆண்டு சிறை தண்டனை விதிக்கப்பட்டது. அப்போது அவரிடம் இருந்து 50 கி.கி., போதைப் பொருள் பறிமுதல் செய்ய பட்டது. இவருக்கு இரண்டு மகன்கள். அதில் ஒருவர் ஐந்தாண்டுகளுக்கு முன் காலமானார். மற்றொரு மகன் மற்றும் பேரக்குழந்தைகள் டோம்பிவிலி பகுதியில் வசிக்கின்றனர்.இவ்வாறு அவர்கள் கூறினர்.

டில்லி ஓட்டல்கள் ரூ. 500 கோடிஅரசுக்கு வாடகை பாக்கி

"டில்லியில் அமைந்துள்ள எட்டு ஓட்டல்கள், அரசுக்கு செலுத்த வேண்டிய வாடகை, 500 கோடி ரூபாய்"என, இந்திய தணிக்கை துறை அறிக்கை வெளியிட்டுள்ளது. டில்லியில் அமைந்திருக்கும் ஓட்டல் லலித், சம்ரத் ஓட்டல், லீ மெரீடியன், தாஜ்மான் சிங், கிளாரிட்ஜ், அசோகா மற்றும் தாஜ் பாலஸ் உட்பட எட்டு ஓட்டல்கள் அரசுக்கு செலுத்த வேண்டிய வாடகை பாக்கிகளை செலுத்தாமல் உள்ளன.


இது குறித்து வெளியிடப்பட்ட அறிக்கை:டில்லியில் அமைந்துள்ள 21 ஓட்டல்களுக்கு, நிலம் மற்றும் மேம்பாடு அலுவலகம் குத்தகை அடிப்படையில் நிலம் ஒதுக்கீடு செய்தது. தணிக்கை துறையின் வேண்டுகோளுக்கிணங்கி, நிலம் மற்றும் மேம்பாடு அலுவலகம், 11 ஓட்டல்களின் தகவல்களை கொடுத்துள்ளன. அவற்றில் எட்டு ஓட்டல்கள், 516 கோடி ரூபாய் செலுத்தாமல் உள்ளன என தெரிவிக்கப்பட்டுள்ளது.


அதே போன்று, இந்த ஓட்டல்களின், நில வாடகையும் பல ஆண்டுகளாக, மாற்றிய மைக்கப்படாமல் உள்ளது. உதாரணமாக லலித் ஓட்டலின் நில வாடகை ஆண்டுக்கு, 973 ரூபாய் என, 1977ம் ஆண்டு நிர்ணயிக்கப்பட்டது. இந்த வாடகை அளவு இன்னும் மாற்றியமைக்கப்படவில்லை.மேலும், இந்த ஓட்டல், 304 கோடி ரூபாயை அரசுக்கு செலுத்தாமல் உள்ளது. இவ்வாறு அரசுக்கு செலுத்த வேண்டிய பணத்தை, முறையாக செலுத்துமாறு, 2006ம் ஆண்டு ஏப்ரல் மாதம் இறுதியாக நோட்டீஸ் அனுப்பப்பட்டது.


எல்லாம் சரி ! தேர்தல் செலவுக்கு அவங்க கொடுத்ததை ஒரு கணக்கு வச்சுருப்பாங்க இல்ல?அதை அவங்க வெளியிட்ட என்ன ஆகும்.போங்கடா நீங்களும் உங்க அரசியலும் ?
- நக்கல் நாகராசன்

இந்திய வம்சாவளியைச் சேர்ந்த முஸ்லிம்கள் எல்லாம் தங்களின் தாய் மொழியான தமிழ்தான்

மலேசியாவில் வசிக்கும் இந்திய வம்சாவளியைச் சேர்ந்த முஸ்லிம்கள், தங்களின் சொந்த நாட்டுடனான தொடர்பை விட்டுவிட வேண்டும் என, அந்நாட்டின் முன்னாள் பிரதமர் மகாதிர் முகமது கூறியுள்ளார்.மலேசியாவில் 22 ஆண்டுகளாக பிரதமராக இருந்தவர் மகாதிர் முகமது. இவரும் இந்திய வம்சாவளியைச் சேர்ந்தவரே. இந்நிலையில், அவர் கூறியுள்ளதாவது:


"மலேசியாவில் முஸ்லிமாக மதம் மாறிய பலர், சமூகத்தில் பல பிரச்னைகளைச் சந்திக்கின்றனர். அதற்கு காரணம் அவர்கள் மலாய் மொழி பேச மறுப்பதே. மலேசியாவில் வசிக்கும் இந்திய வம்சாவளியைச் சேர்ந்த முஸ்லிம்கள் எல்லாம் தங்களின் தாய் மொழியான தமிழ்தான் பேசுகின்றனர். தமிழ் பேசுவதால், மலேசியாவில் உள்ள முஸ்லிம்கள் அவர்களை பாரபட்சமாக நடத்துகின்றனர்.


மேலும், மலேசியாவில் வசிக்கும் இந்திய முஸ்லிம்கள் முழுமையாக மலேசிய கலாசாரத்தை பின்பற்ற மறுக்கின்றனர். முழுமையாக மலாய் மொழி பேசவும் தயங்குகின்றனர். தாய் மொழியான தமிழ் பேசுவதிலேயே ஆர்வம் காட்டுகின்றனர். தமிழ் கலாசாரத்தையே பின்பற்றுகின்றனர். அதனால், இந்தியாவுடனான தங்களின் தொடர்பை மலேசியாவில் வசிக்கும் முஸ்லிம்கள் விட்டுவிட வேண்டும். அப்படிச் செய்வது அவர்களுக்கு நல்லது. இருப்பினும், இதைச் செய்ய வேண்டியது அவர்களே "இவ்வாறு மகாதிர் முகமது கூறினார்.

உளவியில் சிகிச்சை என்ற பெயரில் பிடிப்பட்ட புலிகள் மீது வன் கொடுமை

மாஜி விடுதலைப் புலி வீரர்களுக்கு ஏற்பட்டுள்ள மன ரீதியான பாதிப்பை போக்குவதற்கு, அவர்களுக்கு உளவியல் சிகிச்சை அளிக்கப்படுகிறது.இலங்கை ராணுவ அதிகாரி தம்மிகா வீரசிங்கே கூறியதாவது:விடுதலைப் புலிகளுக்கும், ராணுவத்துக்கும் நடந்த சண்டை முடிவுக்கு வந்ததை அடுத்து, ஏராளமான தமிழர்கள், தற்போது முகாம்களில் தங்க வைக்கப்பட்டுள்ளனர்.


விடுதலைப் புலிகள் அமைப்பில் செயல்பட்டு வந்தவர்கள், பொதுமக்களுடன் முகாமில் கலந்து வசித்து வந்தனர். அவர்களை ராணுவத்தினர், அடையாளம் கண்டு, கைது செய்தனர். அதில், 12 ஆயிரம் பேர் இதுவரை அடையாளம் காணப்பட்டுள்ளனர். புலிகள் அமைப்பில் இருந்தது தொடர்பான மனரீதியான பாதிப்பில் இருந்து, இவர்களை விடுவிப்பதற்கான நடவடிக்கை துவங்கப்பட்டுள்ளது. உளவியல் நிபுணர்களை கொண்டு, இவர்களுக்கு மனோதத்துவ சிகிச்சை அளிக்கப்பட்டு வருகிறது.இவ்வாறு வீரசிங்கே கூறினார்.

மாத்திரைக்குள் 'ஸ்டாப்ளர் பின்':வாங்கியவருக்கு ரூ.25 ஆயிரம் இழப்பீடு

கோவையில், மாத்திரைக்குள் "ஸ்டாப்ளர் பின்' இருந்தது தொடர்பான வழக்கில், மருந்து தயாரிப்பு மற்றும் விற்பனை நிறுவனங்கள், 25 ஆயிரம் ரூபாய் இழப்பீடு வழங்க, கோர்ட் உத்தரவிட்டது.கோவை, கவுண்டம்பாளையம், ஜெய்நகரைச் சேர்ந்தவர் கிருஷ்ணமூர்த்தி. இவரது மனைவிக்கு கடந்த ஆண்டில் உடல்நலம் பாதிக்கப்பட்டது.


மேட்டுப்பாளையம் ரோடு, காந்தி நகரிலுள்ள துளசி பார்மசியில் மாத்திரைகளை வாங்கினார். 30 மாத்திரை கொண்ட "ஸ்ட்ரிப்'பை 31.40 ரூபாய்க்கு வாங்கினார்.ஒரு மாத்திரைக்குள் பாதியளவு மறைந்த நிலையில் "ஸ்டாப்ளர் பின்' இருந்தது கண்டு அதிர்ச்சியடைந்தார். மாத்திரையை, விற்பனை செய்த கடையில் காண்பித்தார். கடையில் இருந்தவர்கள், "இது எங்களுடைய தவறு அல்ல; மருந்து கம்பெனியை தான் கேட்க வேண்டும்' என கூறிவிட்டனர்.


வேறு மாத்திரையும் தர மறுத்துவிட்டனர்.அதிருப்தி அடைந்த கிருஷ்ணமூர்த்தி, மும்பையிலுள்ள "பிரான்கோ இந்தியா பார்மா' கம்பெனியின் நிர்வாக இயக்குனரிடம் விளக்கம் கேட்டு பதிவுத்தபால் அனுப்பினார்.தபாலை பெற்ற மருந்து தயாரிப்பு நிறுவனத்தின் சார்பில் வந்த பிரதிநிதி, கிருஷ்ணமூர்த்தியை சந்தித்தார்.


சம்பந்தப்பட்ட மாத்திரையை தங்களிடம் ஒப்படைத்தால், அதனால் ஏற்படும் ஆபத்து குறித்து ஆராயப்படும், எனக் கூறினார். மாத்திரையை தர மறுத்த கிருஷ்ணமூர்த்தி, அதை போட்டோ எடுத்து, மருந்து தயாரிப்பு நிறுவன பிரதிநிதியிடம் கொடுத்தனுப்பினார்.


மருந்து தயாரிப்பு மற்றும் விற்பனையில் சேவைக்குறைபாடு மேற்கொண்ட பிரான்கோ பார்மா நிறுவனம் மற்றும் மாத்திரையை விற்பனை செய்த கவுண்டம்பாளையம் துளசி பார்மசி உரிமையாளர் ஆகியோர் மீது, மாவட்ட நுகர்வோர் கோர்ட்டில் வழக்கு தொடர்ந்தார். ஐந்து லட்சம் ரூபாய் இழப்பீடு கோரினார்.


நீதிபதி ஸ்ரீராமுலு, உறுப்பினர் ரத்தினம் ஆகியோர் வழக்கை விசாரித்து, மாத்திரைக்கு கொடுத்த விலை 31.40 ரூபாய், மன உளைச்சல் ஏற்படுத்தியதற்கு இழப்பீடாக 25 ஆயிரம் ரூபாய் மற்றும் வழக்குச் செலவுத்தொகையாக 1,000 ரூபாயை இரண்டு மாதத்தில், கிருஷ்ணமூர்த்திக்கு வழங்க, மருந்து தயாரிப்பு நிறுவனம் மற்றும் விற்பனையாளருக்கு உத்தரவிட்டனர்.